22:48

Usio, hulnia skončanaja. Dastatkova ŭpeŭnienaja pieramoha BATE ź likam 2:0. Praŭda, jana pakidaje jašče takija-siakija šancy finam padčas hulni ŭ adkaz.

22:44

Litaralna paru chvilin zastajecca da skančeńnia hulni. Nu što, budzie jašče adzin hoł?

22:38

Vyjšaŭ na pole Valeryjanie Hvilija, dyktar pradstaviŭ jaho jak: «Naš hruzinski brat».

22:33

Zyčnym isłandski «Chu» sprabavali zaŭziatary napałochać finaŭ. 

22:30

Hibrałtarcy ŭsio jašče trymajucca — 1:0. A voś maltyjcy prapuścili ad «Crvieny Źviezdy».

22:28

Stasievič usio čaściej pačynaje razryvać abaronu SIKa. Kali ŭsio skončycca dvuma hałami, to dla finaŭ heta budzie za ščaście.

Alaksandra Vaładźko mianiajuć na Mirku Ivaniča.

22:24

Pas na Radzivonava, darečy, addaŭ Ihar Stasievič. U jaho siońnia ŭžo asistencki dubl.

22:22

2:0!!! Vital Radzivonaŭ paśla cudoŭnaha pasa, jaki pakinuŭ u durniach usiu abaronu finaŭ, vyrvaŭsia ŭ štrafnuju i nie schibiŭ.

Adrazu adbyłasia zamiena: zamiest Hardziejčuka na poli źjaviŭsia Alaksiej Ryas.

22:15

Śledam bulitny vychad zdaryŭsia ŭ Ihara Stasieviča, adnak i biełarus nie zmoh adpravić miač u sietku. Viesiałucha pajšła!

22:14

Što heta było?!! Prosta škalarskuju pamyłku dapuskaje abaronca i finski forvard vybiahaŭ adzin na adzin ź Siarhiejem Vieramko. Bramnika atrymałasia prakinuć, ale svoječasova paśpieŭ abaronca Vital Hajdučyk i vynies miač z pustych varot.

22:11

Moža, čas užo pra zamieny padumać? Tym bolš, što ŭ zapasie ŭ BATE kreatyŭnyja sierb Mirka Ivanič i hruzin Valeryjanie Hvilija.

22:07

U nas naminalnyja favaryty pieramahajuć, ale vyśpiavaje dźvie siensacyi. Hibrałtarski «Linkaln» pieramahaje šatłandski «Sełtyk» ź likam 1:0, a maltyjskaja «Valeta» z takim samym likam pakul macniejšaja za «Crvienu Źviezdu» ź Sierbii.

22:05

Ništo sabie! Sałdaty zaradžajuć: «Samy silny — žoŭta-sini». Kłasnaja padtrymka fanatam.

22:02

Aproč tradycyjnych chot-dohaŭ i hamburhieraŭ hledačy mahli nabyć taksama dranik-burhier. Cana — 3,5 rubli.

22:00

Druhi tajm startavaŭ! Biez zamien kamandy.

21:45

Pieršy tajm skončany. Łatvijski arbitr nie dadaŭ ničoha. 1:0 BATE vyjhraje.

21:42

Na 42-oj chvilinie SIK stvaryŭ pieršuju niebiaśpieku la bramy BATE. Było strašna, ale nie vielmi.

Adrazu śledam žoŭtuju kartku atrymaŭ Vital Radzivonaŭ.

21:39

Voś jon hoł:

21:36

Zapachła ci to čaburekami, to čym… Apietytna zapachła. Pierapynak blizka.

21:35

Cikava, finy buduć praciahvać prapaviedvać usio taki ž zakryty futboł, ci ŭsio ž pasprabujuć pašukać ščaścia na čužoj pałovie pola. Pakul SIK abaraniajecca ŭdziesiacioch.

21:33

Hołłłłłł! Juryj Kiendyš zabivaje hałavoj paśla padačy kutniaha ŭ vykanańni Stasieviča. Trybuny ŭ ekstazie, patrabujuć: «Davaj jašče!»

21:31

Vitalu Radzivonavu nie chapiła zusim krychu, kab nakiravać miač u varoty. Och, jak treba hoł!

21:29

Fatohraf Siarhiej Hudzilin pieradaje, što za čas hulni na «Barysaŭ-Arenie» paśpieŭ źniać ź siabie dvuch klaščoŭ, adnak…

21:27

Surovyja barysaŭskija «kuźmičy» aśvistvajuć finskaha bramnika, kali jon viejeiejeiejeielmi doŭha ŭvodzić miač u hulniu. Pa spravie śviściać, čaho ŭžo tam.

21:26

Čamuści padumałasia, što BATE ź letašniaha składu vielmi nie chapaje reaktyŭnaha krajniaha abaroncy Filipa Mładzienaviča. Jon by moh u takoj situacyi niešta prydumać.

21:23

Karnicki ŭdaram z pyru sprabavaŭ choć niejak razvarušyć sonnuju chadu hulni. Nie nadta atrymałasia.

21:22

Sumnavata pakul…

21:18

Ihar Stasievič sprabavaŭ zakrucić miač u varoty sa štrafnoha, ale nie nadta niebiaśpiečna dla hałkipiera. Da ŭdarach u stvor pakul lik 3:0, na tabło ž — 0:0.

21:17

Haračyja finskija chłopcy pakul ničym nie adznačajucca ŭ atacy. Tolki adnojčy jany pierachodzili na čužuju pałovu pola.

Fanaty BATE pryhoža śpiavajuć na-biełarusku: «Pieramožam i my».

21:13

Śmiešny cheš-teh da hetaj hulni ŭ tvitary: #BATESIK.

21:09

Ihar Stasievič niakiepska prykłaŭsia pa miaču, toj palacieŭ u blizki vuhał i bramnik SIKa pieravioŭ miač na kutni. 

21:07

Pakul byŭ tolki adzin bolš-mienš vostry momant, kali prabivaŭ Karnicki, ale ŭdar atrymaŭsia dastatkova biaschitrasny - bramnik spraviŭsia. BATE vałodaje terytoryjaj.

21:03

Hańnie Bond pierad hulnioj Anatol Kapski padaravaŭ imiannuju majku.

21:01

U pres-łožy jość ź dziasiatak čałaviek, što pryjechali pazaŭzieć za SIK ź Finlandyi. Viaduć siabie dastatkova hučna. Navat ściah jość.

21:00

Usio, hulnia pačałasia!

20:58

Kamandy vychodziać na hazon. Niešta navat himn Lihi čempijonaŭ nie ŭklučyli. Žurbinka.

20:54

Vyhladaje, što anšłahu siońnia čakać nie vypadaje. Za dziesiać chvilin da pačatku hulni trybuny zapoŭnienyja pakul dastatkova žydzieńka. Znoŭ pryjšli sałdaciki ź blizkich Piečaŭ.

Dyktar padziakavaŭ usim zaŭziataram, što pryjšli na hulniu ŭ žoŭtych kolerach, a taksama pavinšavaŭ zbornuju Partuhalii ź pieramohaj na Jeŭra.

Hučyć himn BATE. «BATE – eta on, eta on, BATE – eta naš čiempion».

20:50

Asnoŭny skład BATE: Vieramko, Hajdučyk, Karnicki, Pik, A.Vaładźko, Žaŭnierčyk, Stasievič, Palakoŭ, Kiendyš, Hardziajčuk, Radzivonaŭ.

Źviartaje ŭvahu, što miesca ŭ bramie zaniaŭ Siarhiej Vieramko – heta pieršy jahony matč paśla viartańnia ŭ BATE. Niama ŭ asnoŭnym składzie Mirka Ivanič, ale jon u zapasie. Traŭmavanyja adrazu dva centralnych abaroncy BATE: sierb Miłunavič i łatyš Dubra.

***

12 lipienia barysaŭski BATE ŭ ramkach druhoha kvalifikacyjnaha raŭnda Lihi čempijonaŭ prymaje finski SIK.

Finski kłub pryjechaŭ u Biełaruś z horadam z pryjemnaj dla biełaruskaha vucha nazvaj Siejniajoki. Letaś hety małady kłub upieršyniu staŭ čempijonam svajoj krainy.

A voś dadzieny čempijanat dla SIKa prachodzić nie vielmi ŭdała. Paśla siamnaccaci praviedzienych hulniaŭ SIK zajmaje tolki siomy radok u čempijanacie z 23 punktami. U lidara čempijanatu – CHIKa – 34 punkty.

BATE ličycca biezumoŭnym favarytam hulni. Bukmkierskija kantory prymajuć staŭki na čempijona Biełarusi z kaeficyjentam 1 da 1,2, na SIK – 1 da 12.

Kab prajści ŭ hrupavy etap Lihi čempijonaŭ, BATE musić prajści try etapy adboru.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?