Kožny narod maje ŭ svajoj historyi padziei, jakimi jon hanarycca. Na hetych epizodach minułaha vychoŭvajucca novyja pakaleńni. Jany ŭklučany ŭ kantekst dziaržaŭnaj ideałohii, na ich prykładach farmirujecca histaryčnaja pamiać naroda. Niama sumnievu, što padobnymi vyznačalnymi momantami ajčynnaj historyi XIX st. byli nacyjanalna-vyzvalenčyja paŭstańni i, u pieršuju čarhu, paŭstańnie 1863 hoda.

U apošnija dva dziesiacihodździ niezaležnaj historyi Biełarusi tematyka padziej 1812, 1831 i 1863 hadoŭ uzbahaciłasia novymi daśledavańniami. Za hety čas zroblenyja sproby ich novaj acenki i interpretacyi, stvorana niekalki abahulniajučych prac, vydadzieny šerah zbornikaŭ pa vynikach tematyčnych kanfierencyj. Adnak niahledziačy na ŭvieś pastupovy ruch napierad, u vyvučeńni hetych epizodaŭ našaj historyi pa-raniejšamu zastajecca šmat biełych plamaŭ.

Raspracoŭka rehijanalnaj historyi — adzin sa sposabaŭ vyrašeńnia pytańniaŭ, što paŭstajuć na šlachu vyvučeńnia hetych padziej. Padobny padychod dazvalaje niby praz pavieličalnaje škło pabačyć toje, čaho zvyčajna nie vidać u akademičnych vydańniach i pracach prafiesijnych historykaŭ. Jak viadoma, razabracca z prablemaj i ŭbačyć jaje śpiecyfiku na miescy byvaje praściej, čym z dalokich kabinietaŭ.

U knizie Leanida Łaŭreša «Paŭstančy duch» pradstaŭleny narysy z historyi Lidčyny i jaje žycharoŭ u baraćbie za niezaležnaść svajho kraju suprać rasiejskaha panavańnia ŭ 1812 hodzie i padčas paŭstańniaŭ 1831 i 1863 hadoŭ.

U vydańni dobra pakazanyja lidčanie — udzielniki tych padziej. Na žal, niekatoryja ź ich siońnia niespraviadliva zabytyja, tamu ich prysutnaść na staronkach vielmi važnaja.

U svaim bačańni taho, što adbyvałasia na Lidčynie ŭ tyja časy, aŭtar daloki ad adnabokaha bačańnia padziej. Prysutničaje pohlad jak rasiejskich aficeraŭ i cyvilnych čynoŭnikaŭ carskaj administracyi, tak i pradstaŭnikoŭ supraćlehłaha łahieru, miascovych žycharoŭ.

Asabliva kaštoŭnyja ŭspaminy, u jakich apisvajecca abstanoŭka, što panavała ŭ Lidzie napiaredadni vybuchu paŭstańnia 1863 hoda. U ich adlustravany nie stolki palityčnyja, kolki budzionnyja admietnaści tahačasnaha žyćcia horada i rehijona.

Dadzienaje vydańnie adrasavana ŭsim, chto cikavicca historyjaj Lidčyny i minułym našaj krainy. 

Knihu možna nabyć u «Akademknizie».

Клас
Панылы сорам
Ха-ха
Ого
Сумна
Абуральна