Viadomaja śpiavačka, udzielnica ad Biełarusi «Jeŭrabačańnia-2013» Alona Łanskaja na svajoj staroncy ŭ fejsbuku prakamientavała skandalnaje videa, što było źmieščana na sajcie «Našaj Nivy». U videa Łanskaja na «Słavianskim bazary» niečakana zaśpiavała hołasam Anatola Jarmolenki.

Łanskaja pryznaje, što ŭsie vystupy, jakija my bačym na telebačańni, prachodziać pad fanahramu. «Asabista ja pisała ŭsiu pieśniu, adnak hukarežysior vyrašyŭ pry mantažy ŭstavić tolki adzin radok. Taki siurpryz časta adbyvajecca, i nie tolki ŭ mianie. Ale dla mianie vialiki honar, što vy tak pilna sočycie za majoj tvorčaściu», — pasprabavała adžartavacca śpiavačka.

Praz 10 hadzin paśla źmiaščeńnia pieršaha dopisu, Łanskaja vyrašyła jašče raz ahučyć pazicyju pa kanfuznym videa. «Nikoli nie dumała, što zvyčajnaja situacyja dla artysta pryciahnie takuju ŭvahu. Zdavałasia b, što moža być bolš šedeŭralnym za Chlestakova [tak na «Słavianskim bazary» pradstavili śpievaka Alaksieja Chlastova – «NN»], ale nie! I, kaniečnie ž, mnie SŁABO śpiavać žyŭcom, a to ŭsio pieśni zapisvaju», — tłumačyć Łanskaja.

Na dadzieny momant videa z fanahramaj Alony Łanskoj nabrała ŭžo 87 tysiač prahladaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?