Aficyjnaja Maskva vykazała svajo «rasčaravańnie» novaj redakcyjaj «Biełaj knihi» — klučavoha stratehičnaha dakumienta Ministerstva abarony Hiermanii.

Pra heta zajaviła pradstaŭnik MZS RF Maryja Zacharava, paviedamlaje Deutsche Welle.

«My z rasčaravańniem aznajomilisia z novaj redakcyjaj tak zvanaj «Biełaj knihi» Bundeśviera… Vypad Bierlina nie moža nie vyklikać škadavańnia i budzie uličany nami ŭ pracy na rasijska-niamieckim kirunku», — skazała Zacharava.

Pavodle jaje słoŭ, u stratehii niamieckaj armii vykładzieny «ŭvieś nabor kliše, jakija śmieła možna nazvać niespraviadlivymi abvinavačvańniami ŭ bok Rasii».

Nahadajem, urad Hiermanii 13 lipienia ŭchvaliŭ «Biełuju knihu», dzie sfarmulavanaja novaja stratehija krainy ŭ śfiery biaśpieki i abarony.

Novaja redakcyja ŭličyła źmieny ŭ śfiery biaśpieki, jakija adbylisia z 2006 hoda, kali była pryniataja papiaredniaja redakcyja hetaha dakumienta.

U aktualnaj viersii, u pryvatnaści, zhadvajecca pra napružanyja adnosiny z Rasijaj paśla kanfliktu vakoł Ukrainy. Miarkujecca, što RF stanie novym vyklikam dla biaśpieki Jeŭropy.

Клас
Панылы сорам
Ха-ха
Ого
Сумна
Абуральна