Učora na telekanale «Biełaruś-1» vyjšaŭ vializny siužet, pryśviečany pracy niezaležnaha, zarehistravanaha ŭ Litvie sacyjałahičnaha centra NISEPD. Ananimnyja aŭtary materyjała śćviardžajuć, što supracoŭniki NISEPD prosta nie pravodziać daśledavańni.
Było zakranutaje i pytańnie hrošaj.
«Bolšaja častka srodkaŭ navat da Biełarusi nie dachodziła. Časam drabki ad biudžetu pieradavalisia praz adnu viadomuju tut, u Biełarusi, i ŭ hłabalnym pavucińni miedyjaasobu. Za adkaty i prava pieršaj nočy, dakładniej pieršaj publikacyi ličbaŭ i analityki», — kazaŭ zakadravy hołas. U hetaje samaje imhnieńnie na teleekranach demanstravaŭsia tvar niezaležnaha sacyjołaha Siarhieja Nikaluka.
My paprasili jaho prakamientavać dadzienuju situacyju.
«Hetyja raskazy pra napisanaje na kalenkach… Razumiejecie, heta fihnia mianie nie cikavić. Nie maju žadańnia navat kamientavać. Usie ličby ja braŭ z sajta, z adkrytaha dostupu.
Mianie cikavić inšaje trochu. Davajcie ujavim, što ŭsio skazanaje ŭ repartažy praŭda. Što NISEPD atrymlivaje hrošy ad amierykancaŭ i vydaje za ich košt poŭnuju tuftu. Ale kožnaj chłuśni treba supraćstavić praŭdu. Čamu Instytut sacyjałohii Akademii navuk, jaki znachodzicca na dziaržaŭnym finansavańni, nie drukuje nijakich vynikaŭ apytańniaŭ? Zajdzicie na ich sajt i znajdzicie tam śviežyja ličby. Ničoha niama!
Ja nie sumniajusia, što ŭ Instytucie sacyjałohii pracujuć prafiesijanały svajoj spravy. Mienavita tamu jany nie mohuć drukavać falšyvyja ličby, a sapraŭdnyja mohuć šmat kamu nie padabacca.
Što tyčycca hetych papier na kalenkach, to mianie cikaviać tolki maładyja žanočyja kalenki, i navat, kali na ich napisanyja niesapraŭdnyja ličby, to mianie heta mała chvaluje».
