Prezident Čechii Miłaš Zieman choča, kab pytańnie pryjomu mihrantaŭ u krainu abmiarkoŭvaŭsia parłamientam.

Pra heta zajaviŭ pres-sakratar češskaha prezidenta Iržy Aŭčaček, paviedamlaje vydańnie Ceske Noviny.

Pavodle jaho słoŭ, Zieman naohuł nie zhodny z pryjomam biežancaŭ.

«Naša kraina nie moža dazvolić uziać na siabie ryzyki terarystyčnych napadaŭ, jakija adbylisia ŭ Francyi i Hiermanii. Inšymi słovach, pryjom mihrantaŭ stvaraje padstavy dla varvarskich napadaŭ na terytoryju Čechii», — skazaŭ jon.

Pytańnie pryjomu 80 mihrantaŭ z Turcyi z amal 2,7 tysiač, jakich Čechija pavinna pryniać u ramkach płana ES pa raźmierkavańni biežancaŭ, pavinien abmiarkoŭvacca parłamientam.

«Na dumku prezidenta, luby pryjom mihrantaŭ pavińnie abmiarkoŭvacca ŭ parłamiencie respubliki», — skazaŭ Aŭčaček.

Jon dadaŭ, što prytok mihrantaŭ staŭ niekantralujemym.

«Prykład Hiermanii pakazvaje, što my nie možam adroźnić ekanamičnych mihrantaŭ i biežancaŭ ad vajny. Usio heta pryviało da terarystyčnych napadaŭ», — adznačyŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?