Pra dziki vypadak na futbolnym turniry imia Uładzisłava Leŭnikava ŭ Pinsku paviedamlaje Tribuna.com.
Za pryzy junackaha (2001-02 h.n.) turniru ŭ honar viadomaha treniera, što prajšoŭ u Pinsku ŭ siaredzinie žniŭnia, zmahalisia niekalki biełaruskich kamandaŭ i dźvie z Rasii — z Sankt-Pieciarburha i Maskvy.
Fota z archiva futbalistaŭ
Ale maskoŭskija hości turnir da kanca nie dahulali — u finalnym matčy ich supierniki ź Pinska za dziesiać chvilin da kanca matča vyrvalisia napierad — 3:2, paśla čaho maskvičy zładzili demarš.
«Futbalist supiernikaŭ pačaŭ abražać sudździu, toj pakazaŭ jamu žoŭtuju kartku. Ale chłopiec nie supakoiŭsia, a praciahnuŭ spračacca, užo łajankaj. Sudździa jaho vydaliŭ. Tut razyšoŭsia jašče adzin maskvič. Vydalili i jaho. U vyniku my nie dahulali. Ich trenier skazaŭ: maŭlaŭ, źbirajciesia, padychodźcie siudy. Jany syšli ŭ raspranalniu. Hulcy kryčali nam «Vy — kałhaśniki!». — cytuje «Trybuna» pinčuka Uładzia Krasoŭskaha.
Kali ž maskoŭskaja kamanda sychodziła z pola, to adzin z futbalistaŭ padbieh i pierakuliŭ stoł z kubkam i statuetkami dla pieramožcaŭ — u vyniku sapsavany kubak daviałosia zamianić na letašni.
U vyniku maskoŭskuju kamandu dyskvalifikavali, pazbaviŭšy pryzoŭ za 2-je miesca.
Letašni kubak zamiest novaha ŭ rukach pinskaha futbalista
