«Nie mahu zrazumieć, heta hłupstva, praha nažyvy ci što?», — prakamientavaŭ na svajoj staroncy ŭ Fejsbuku kiraŭnik Savieta hramadskaj biaśpieki Mark Hardzijenka, vykłaŭšy fatahrafii staronak dziońnika.
U samoj kramie «Kanckarały» zapeŭnili, što antyŭkrainski tavar — heta pamyłka i nieparazumieńnie.
Administratar kramy raspaviała miascovamu vydańniu, što ŭsie dziońniki — kitajskaj vytvorčaści. U zamoŭlenaj partyi vypadkova apynulisia razam ź dziońnikami na ŭkrainskaj movie i niekalki na ruskaj. Kolki mienavita takoha «braku» pa ŭsioj sietcy, dakładna jašče nie paśpieli paličyć.
«Tavar, viadoma, źniaty z prodažu. Tut niama nijakaha złoha namieru — prosta pamyłka. U našaj sietcy kramaŭ ad pieršych dzion usiaho taho, što zdaryłasia ŭ krainie, padtrymlivali Ukrainu i dapamahali roznym arhanizacyjam», — zapeŭniła supracoŭnik kramy.
