Kandydat na pasadu prezidenta ZŠA ad Respublikanskaj partyi Donald Tramp paabiacaŭ apublikavać padrabiaznuju infarmacyju pra svajo zdaroŭje, paśla taho jak u jaho supiernicy Chiłary Klintan dyjahnastavali pnieŭmaniju.

Jon zajaviŭ, što stan zdaroŭja staŭ «prablemaj» padčas vybarčaj kampanii.

Tramp pazyčyŭ joj chutčejšaha vyzdaraŭleńnia i paabiacaŭ apublikavać vyniki miedycynskaha abśledavańnia, jakoje jon prajšoŭ na minułym tydni z «vielmi-vielmi kankretnymi ličbami».

«Ja spadziajusia, što jany buduć dobrymi. Ja dumaju, jany buduć dobrymi. Ja adčuvaju siabie vydatna», — zajaviŭ jon Fox News.

U kancy minułaha hoda Tramp apublikavaŭ karotkuju zajavu svajho doktara, u jakim upeŭniena havaryłasia, što jon budzie «samym zdarovym čałaviekam, jaki kali-niebudź abiraŭsia na pasadu prezidenta».

70-hadovy Tramp i 68-hadovaja Klintan — adny z najstarejšych kandydataŭ u prezidenty ZŠA ŭ historyi.

Tramp raniej vykazvaŭ sumnievy z nahody stanu zdaroŭja svajho apanienta na vybarach. U minułym miesiacy jon zajaviŭ svaim prychilnikam, što Klintan nie chapaje «psichičnaj i fizičnaj tryvałaści».

Pradstaŭniki pieradvybarnaha štaba Klintan u adkaz abvinavacili Trampa ŭ raspaŭsiudzie čutak pra stan zdaroŭja supiernicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?