XV letnija Paralimpijskija hulni, jaki prachodzili 7—18 vieraśnia ŭ Rya-de-Žaniejra, abvieščanyja zakrytymi.
Aficyjnaja cyrymonija zakryćcia adbyłasia 18 vieraśnia na stadyjonie «Marakana». Udzielniki ŭšanavali pamiać zahinułaha na Hulniach iranskaha viełahonščyka Bachmana Hałbarniežada.
Usiaho ŭ skarboncy biełaruskaj zbornaj 10 miedaloŭ, u tym liku 8 załatych i 2 bronzavyja ŭznaharody. Bolš za ŭsio ŭznaharod u płyŭca Ihara Bokija, jon zavajavaŭ 7 miedaloŭ (6 załatych i 1 bronzavy). Akramia taho, u jaho dva rekordy śvietu, šeść rekordaŭ Paralimpijskich hulniaŭ. Čempijonami taksama stali płyviec Uładzimir Izotaŭ i Andrej Pranievič (fiechtavańnie na kalaskach). Bronza ŭ kidańni kapja - u Alaksandra Trypucia. Biełaruś na 19-m miescy ŭ ahulnym zaliku, kali ličyć pa załatych miedalach.
Pieramožcam ahulnakamandnaha zaliku ciapierašnich Hulniaŭ stała zbornaja Kitaja, na rachunku jakoj 239 uznaharod - 107 załatych, 81 siarebrany i 51 bronzavy. U brytancaŭ 64 załatych, 39 siarebranych i 44 bronzavych miedaloŭ. Na trecim miescy zbornaja Ukrainy (41-37-39 adpaviedna).