Amierykanskaja aktrysa Andžalina Džali padała na razvod sa svaim mužam, zorkaj Halivuda Bredam Pitam.
ibtimes.com
Jak paviedamlaje pres-słužba aktrysy, takoje rašeńnie pryniataje «dziela zdaroŭja siamji». Advakat Džali dadaŭ, što inšych kamientaroŭ na hetuju temu jana davać nie budzie i prosić žurnalistaŭ pavažać jaje asabistaje žyćcio
Amierykanskija i brytanskija tabłoidy śćviardžajuć, što ŭ zajavie pra razvod Džali spasyłajecca na niepieraadolnyja roznahałośsi z mužam i prosić addać joj apieku nad šaściu ich dziećmi, ale dazvolić Pitu ich naviedvać.
Žurnalisty śćviardžajuć, što Džali niezadavolenaja mietadami vychavańnia dziaciej, jakija prymianiaje jaje muž. Kamientaroŭ z boku Pita i jaho pradstaŭnikoŭ pakul nie pastupała.
People
Andžalina Džali i Bred Pit pažanilisia ŭ 2014 hodzie. Da hetaha jany byli razam kala šaści hadoŭ. U Džali i Pita šaściora ahulnych dziaciej, troje ź jakich — pryjomnyja.