Supracoŭniki ŭpraŭleńnia pa narkakantroli i supraćdziejańni handlu ludźmi UUS Bresckaha abłvykankama spynili kanał vyvazu ŭ Rasiju žycharoŭ rehijonu z metaj ich pracoŭnaj ekspłuatacyi.

Jak paviedamiŭ BiełaPAN načalnik adździaleńnia infarmacyi i hramadskich suviaziaŭ UUS Siarhiej Dučenka, u takoj supraćpraŭnaj dziejnaści padazrajecca 33-hadovy raniej sudzimy žychar adnaho z rajonaŭ Bresckaj vobłaści.

Sumiesna ź nieŭstanoŭlenaj asobaj jon arhanizavaŭ pošuk, viarboŭku i vyjezd u Rasiju 50 žycharoŭ Bresckaj vobłaści. U jaho kanfiskavana zapisnaja knižka ź ich proźviščami.

Mužčyna raspaŭsiudžvaŭ u internecie i hramadskich miescach na terytoryi Bresta i Kobryna infarmacyju ab mahčymaści dobra zarabić na zbory sielskahaspadarčaj pradukcyi ŭ Varoniežskaj vobłaści.

U razmovie z patencyjalnymi rabotnikami jon abiacaŭ, što ich čakaje pražyvańnie ŭ spryjalnych umovach, dobraje charčavańnie za košt rabotadaŭcy i štomiesiačnaja zarabotnaja płata ŭ pamiery nie mienš za 300 umoŭnych adzinak.

Faktyčna ž ludzi, jakija pryjechali na zarobki, traplali ŭ pracoŭnaje rabstva.

Vyrašajecca pytańnie ab raspačynańni ŭ dačynieńni da mužčyny spravy pa art. 187 KK (niezakonnyja dziejańni, nakiravanyja na pracaŭładkavańnie hramadzian za miažoj).

Ustanaŭlivajucca asoby, jakija mahli paciarpieć ad takich supraćpraŭnych dziejańniaŭ.

Kanał vyvazu ŭ Rasiju žycharoŭ rehijonu z metaj pracoŭnaj ekspłuatacyi byŭ spynieny pry ŭzajemadziejańni z bresckaj hramadskaj arhanizacyjaj «Kłub dziełavych žančyn», na bazie jakoj pracuje haračaja linija pa pytańniach biaśpiečnaha vyjezdu za miažu, kudy źviarnuŭsia adzin z paciarpiełych.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?