15min.lt
U sieradu ranicaj raptoŭna pamior litoŭski fiłosaf, publicyst, kulturołah, były jeŭraparłamientar Leanidas Donskis. Hetuju viestku paćvierdzili jaho blizkija i siabry.
Miarkujuć, što ŭ Donskisa ŭ aeraporcie zdaryŭsia sardečny prystup. Paviedamlajecca, što ŭ 5:30 jon pavaliŭsia ŭ aeraporcie. Daktary chutkaj dapamohi sprabavali reanimavać jaho, ale biespaśpiachova.
Donskis naradziŭsia 13 žniŭnia 1962 hoda ŭ Kłajpiedzie. U 1985 hodzie skončyŭ litoŭskuju fiłałohiju i teatralnuju piedahohiku piedfakulteta Litoŭskaj kansiervatoryi. U 1987 hodzie — adździaleńnie fiłasofii fiłfaka Vilenskaha ŭniviersiteta. 11 śniežnia 1990 abaraniŭ dysiertacyju na temu «Kryzis kultury i jaho fiłasofskaja refleksija (histaryčna-mietadałahičny analiz historykasafičnych kancepcyj O.Špenhlera, A.Tojnbi i Luisa Mamfarda)», kandydat fiłasofskich navuk (VU). U 1999 h. u Chielsinkskim univiersitecie abaraniŭ dysiertacyju, staŭ doktaram sacyjalnych navuk.
«Litva straciła vybitnaha humanitaryja, jaki aktyŭna adstojvaŭ u svajoj akademičnaj i hramadskaj dziejnaści idei svabody i čałaviečaj hodnaści. Prafiesar Ł.Donskis byŭ ćviordym prykładam jeŭrapiejskich kaštoŭnaściaŭ i zachodniaha vobrazu dumki nie tolki dla maładoha pakaleńnia, ale i dla ŭsich žycharoŭ Litvy», - havorycca ŭ spačuvańni prezidenta D.Hrybaŭskajcie.
