Smartfony iPhone ŭžo šmat hadoŭ źjaŭlajucca drajvierami prybytku dla Apple. I sprava nie tolki ŭ ich vysokaj canie, ale i ŭ starańni amierykanskaj kampanii maksimalna źnizić sabiekošt pryładaŭ.
Śpiecyjalisty IHS paličyli realny košt bazavaj viersii iPhone 7 (z 32 HB pamiaci), zychodziačy z cany ŭsich asobnych kampanientaŭ.
Ahulny košt kampanientaŭ skłaŭ 224,8 dalara (z ulikam 5 dalaraŭ na zborku i testavańnie), što na 37 dalaraŭ vyšej, čym u iPhone 6S.
Samym darahim kampanientam akazaŭsia dysplej — 43 dalary. Za im staić nabor sietkavych płat (33,9), čypset A10 Fusion (26,9) i kamiery (19,9).
Źmieściva karobki (EarPods ź pierachadnikom na aŭdyjaraźjom 3,5 mm, zaradka i kabiel) kaštujuć 11,8 dalara, a batarejka na 1960 mAč aceńvajecca ŭsiaho ŭ 2,5 dalara. Naturalna, u hetu canu nie ŭklučany vydatki na raspracoŭki, łahistyku, markietynh dy inšaje. Tym nie mienš, Apple ŭsio roŭna vielmi dobra zarablaje na kožnaj pryładzie.
Nahadajem, samyja tannyja iPhone 7 z 32 HB pamiaci pradajucca ŭ ZŠA — za 649 dalaraŭ (biez uliku padatkaŭ), a niadaŭna vyśvietliłasia, što aficyjnaja cana iPhone 7 u Biełarusi stała samaj vysokaj u śviecie, krychu nie daciahnuŭšy da 1000 dalaraŭ za bazavy smartfon.
