Jak paviedamiŭ na svajoj staroncy ŭ fejsbuku Źmicier Daškievič, 19 vieraśnia raspačaty zbor podpisaŭ za nadańnie bieł-čyrvona-biełamu ściahu statusa niemateryjalnaj historyka-kulturnaj kaštoŭnaści.
Pieršym podpis za nacyjanalny ściah pastaviŭ akcior Pavał Charłančuk.
Daškievič prapanoŭvaje ŭsim achvotnym spampavać padpisny błank z asnoŭnymi faktami pra kaštoŭnaść bieł-čyrvona-biełaha ściaha. Fakty, piša jon, pravierany na adpaviednaść padziejam historykam Uładzimieram Arłovym.
«Ja płanuju źbirać podpisy kožny dzień aproč niadzieli, — raspaviadaje Źmicier Daškievič. — U płanach — sabrać nie mienš za tysiaču podpisaŭ. Paśla raboty ja staju na vychadzie ź mietro Kupałaŭskaja ŭ bok kramy «Centralny» i štohadzinu padpisvajecca kala dvaccaci čałaviek. Da kampanii pačynajuć dałučacca i inšyja aktyvisty. Miarkujecca, što praź miesiac my paniasiem podpisy da Ministerstva kultury», — kaža Daškievič.
Padpisny błank vy možacie spampavać pa spasyłcy padpisny-blank-za-biel-czyrvona-biely-sciah
Daškievič prapanoŭvaje vykarystoŭvać chešteh #našściah usim, chto dałučajecca da kampanii.