Biełaruskija prychilniki Siarhieja Michałka narešcie zmohuć pačuć artysta i hurt Brutto ŭ Biełarusi. 29 kastryčnika ŭ homielskim Ladovym pałacy sportu adbudziecca pieršy vialiki kancert muzykaŭ. Siońnia bilety pastupili ŭ prodaž.
— Vinšujem usich biełaruskich fanataŭ Brutto z dazvołam na kancert u Homieli! My vielmi rady, i padrychtujem šou na jeŭrapiejskim uzroŭni! Na siońnia — heta samaja važnaja padzieja dla Brutto, mianie asabista i maich blizkich! — padzialiŭsia Siarhiej Michałok.
«Brutto» aktyŭna hastraluje pa haradach Ukrainy i Jeŭropy, a ŭ kastryčniku adpravicca ŭ pieršy tur pa ZŠA i Kanadzie. U Homieli adbudziecca kancert pad nazvaj «Rodny kraj», u prahramu jakoha ŭvojduć treki z albomaŭ «Rodny kraj» i «Underdog», a taksama lubimyja prychilnikami pieśni «lapisaŭ».
Kvitki
29 kastryčnika, 19.00
Homiel, Ladovy pałac sportu
Košt kvitkoŭ: fanzona — 75 (750 000) rub, tancpoł - 57 (570 000) rub, siektary — ad 32 — 64 (za 320 000 - 640 000) rubloŭ.
Daviedki pa telefonie: +375 29 650 11 33.