Videazapis kanfierencyi «Ujaŭlajučy Biełaruś: vobrazy i idei, prajekty i ŭtopii»

11—12 sakavik 2016 hoda ŭ Minsku adbyłasia kanfierencyja «Ujaŭlajučy Biełaruś: vobrazy i idei, prajekty i ŭtopii».

Kanfierencyja była zładžana Latučym univiersitetam pry padtrymcy Centra jeŭrapiejskaj transfarmacyi.

Tema kanfierencyi paŭstała z aktualnaha razumieńnia stanu biełaruskaha hramadstva, što apynułasia ŭ situacyi straty aryjenciraŭ, jakija b mahli zadavać matyvujučuju karcinu budučyni.

«Biełaruskaja mara», utopija — heta ahulnaje nieba, pad jakim jość mahčymaść budavać svaje asabistyja trajektoryi, realizoŭvać prajekty ci razhortvać dziejnasnyja prahramy. Usio bolš my nazirajem, što minułyja aryjenciry samaha roznaha kštałtu (kamunizm, jeŭrapiejski śviet, demakratyja, biełaruskaja nacyja i inš.) razburajucca pad ciskam zahanaŭ realizacyi, siehmientacyi i indyvidualizacyi «śvietu». «Nieba» źnižajecca, prastora ŭjaŭleńniaŭ i maraŭ stanovicca ŭsie praściej.

Siońnia my možam pasprabavać intelektualnymi i kulturnymi vysiłkami «padniać nieba», prapanavaŭšy vobrazy, kancepty, idei i navat fantazii, jakija vymahajuć nie realizacyi, a supolnaha ŭjaŭleńnia, bačańnia i pamknieńnia.

Ujavim sabie Biełaruś praz 50 hadoŭ takoj, jakoj joj varta było b być.

U prahramie kanfierencyi — abmierkavańnie budučyni Biełarusi ź niekalkich rakursaŭ i bakoŭ:

Antrapałahičnaja pierśpiektyva: identyčnaść i ład žyćcia;
Hramadstva budučyni: vybudova, ujaŭleńnie, razumieńnie;
Čałaviek u naturalnym i štučnym asiarodździ;
Biełaruś jak mara: pohlad ź minułaha;
Vobraz prastory i stylu.

Na kožnuju z paznačanych tem byli pradstaŭleny pa dva-try dakłady, jakija zatym byli supolna abmierkavany ŭdzielnikami kanfierencyi. Farmatam kanfierencyi było praduhledžana značnaje miesca dla dyskusij, a taksama refleksija form myśleńnia pra budučyniu.