Ministerstva ŭnutranych spraŭ Francyi zapatrabavała tłumačeńniaŭ ad bielhijskaha pasła paśla taho, jak francuzskaja palicyja zatrymała dvuch svaich bielhijskich kaleh razam z 13 mihrantami, jakich tyja mierkavana pieravieźli praź miažu.

Palicejskich i mihrantaŭ zatrymali niepadalok ad francuzskaj kamuny Njep u sieradu, 21 vieraśnia. Francuzski palicejski patrul spyniŭ aŭtamabil ź bielhijskimi palicejskimi i mihrantami nieŭzabavie paśla taho, jak tyja pierajechali miažu.

Bielhijcaŭ nienadoŭha zatrymali i dapytali pierad tym, jak adpuścić. U prafsajuzie palicejskich Bielhii śćviardžajuć, što na vartavych paradku pry hetym nadzieli kajdanki. Francuzski bok heta admaŭlaje.

Mihranty taksama byli zatrymanyja i časova raźmieščanyja ŭ palicejskim učastku ŭ francuzskim Lili.

Jak patłumačyli bielhijcy u intervju miascovamu telekanału, jany prosta vyrašyli padvieźci mihrantaŭ, jakija nakiroŭvalisia ŭ Francyju, da punkta pryznačeńnia, zaŭvažyŭšy ich na darozie. Jak rastłumačyli ŭ prafsajuzie, miaža pamiž Bielhijaj i Francyjaj praktyčna niezaŭvažnaja, tamu atrymałasia tak, što bielhijcy vyvieźli mihrantaŭ na terytoryju inšaj krainy.

«My nie chacieli pakidać ich na abočynie darohi, kab jany išli da miažy pieššu, tamu my padvieźli ich tudy, kudy jany nakiroŭvalisia», — patłumačyŭ adzin z palicejskich.

Incydent vyklikaŭ abureńnie ŭładaŭ Francyi, jakija asudzili jaho jak parušeńnie ŭstanoŭlenych pracedur uzajemadziejańnia pamiž dźviuma krainami. Ad bielhijskaha pasła ŭ Francyi Vinsenta Miertensa de Vilmarsa majuć namier zapatrabavać tłumačeńni u suviazi ź incydentam, havorycca ŭ zajavie francuzskaha MUS.

U 2015 hodzie ŭ Jeŭropu pryjechali 1,83 młn mihrantaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?