Śpikier Dziarždumy šostaha sklikańnia Siarhiej Naryškin z 5 kastryčnika ŭznačalić Słužbu zamiežnaj vyviedki (SZV), havorycca va ŭkazie prezidenta Rasii Uładzimira Pucina.
ria.ru
«Pryznačyć Naryškina Siarhieja Jaŭhienaviča na pasadu dyrektara Słužby zamiežnaj vyviedki Rasijskaj Fiederacyi. Hety ŭkaz nabyvaje moc 5 kastryčnika 2016 hoda», — pryvodzić tekst ukaza pres-słužba Kramla.
Raniej Pucin na sustrečy z Naryškinym i Fradkovym adznačyŭ, što treba nie dapuścić razrastańnia pahroz u dačynieńni da Rasii i aktyŭna supracoŭničać z partniorami ŭ baraćbie z teraryzmam.
Jon taksama vykazaŭ nadzieju, što vybarščyki, jakija prahałasavali za Naryškina, pastaviacca z razumieńniem da hetaha rašeńnia.
Naryškin uznačalvaŭ šostuju Dumu z momantu jaje farmiravańnia (2011), da hetaha jon kiravaŭ prezidenckaj administracyjaj (2008—2011) i zajmaŭ pasadu vice-premjera (2004—2008).