U Viestfaldzie (Narviehija) palicyjanty aryštavali 8 kastryčnika rasijskaha nieanacysta Jana Piatroŭskaha, jaki, jak śćviardžajecca, vajavaŭ na Danbasie na baku sieparatystaŭ, paviedamlajecca ŭ sacsietkach i miascovych vydańniach.
Fota z sacsietak
Piatroŭskaha, viadomaha taksama jak Vialiki Słavian, aryštavali ŭ domie člena arhanizacyi Paŭnočnaha Ruchu Supracivu. Siem palicejskich pryjšli, kab paviedamić Piatroŭskamu pra departacyju, paviedamiŭšy, što ŭ jaho jość dva dni na kuplu bileta i piać — na toje, kab pakinuć Narviehiju. Piatroŭski nie pahadziŭsia, zajaviŭšy pra žadańnie paraicca z advakatam, paśla čaho jaho aryštavali i abšukali z metaj znajści pašpart, bieź jakoha rasijanina nie mohuć vysłać z krainy.
ŚMI paviedamlajuć, što ŭ 2014-2015 hadach Piatroŭski vajavaŭ na Danbasie, paśla pryznaŭsia ŭ katavańniach i zabojstvach bajcoŭ USU. Taksama paviedamlajecca, što Vialiki Słavian byŭ členam niezakonnaha ŭzbrojenaha farmavańnia «Betmien».
