Ministerstva zamiežnych spraŭ Biełarusi dapamahło viarnuć na radzimu 6-hadovaha biełaruskaha hramadzianina, jaki padmannym šlacham byŭ vyviezieny i ŭtrymlivaŭsia ŭ Finlandyi, raspavioŭ žurnalistam u čaćvier na bryfinhu načalnik upraŭleńnia infarmacyi, pres-sakratar MZS Biełarusi Dźmitryj Mirončyk.
«6-hadovy hramadzianin Biełarusi šlacham padmanu byŭ vyviezieny jaho baćkam, taksama hramadzianinam Biełarusi, u Finlandyju. Pytańnie vyrašałasia padčas sudovych pracesaŭ na praciahu hoda», — zajaviŭ Mirončyk.
Pavodle jaho słoŭ, finski sud na prośbu biełaruskaha boku viarnuć dzicia ŭ Biełaruś spačatku adkazaŭ admovaj, adnak potym, u tym liku pry dapamozie dypłamataŭ dvuch bakoŭ, na etapie abskardžvańnia rašeńnia suda pieršaj instancyi, rašeńnie było pierahledžana na karyść intaresaŭ dziciaci i jaho maci.
24 kastryčnika pry dapamozie pasolstva RB u Finlandyi dzicia było pieradadziena na finskaj terytoryi jaho maci, raspavioŭ Mirončyk. Pres-sakratar MZS padkreśliŭ, što heta nie pieršy vypadak składanaha viartańnia praz sudy maleńkich biełaruskich hramadzian na radzimu. Takija historyi nie zaŭsiody nadajucca ahałoscy, pakolki ŭličvajecca abarona intaresaŭ dziciaci.