Minski aŭtazavod vypuściŭ novy ekałahičny aŭtobus z palepšanymi charaktarystykami, jaki, jak čakajecca, budzie razvozić haściej i zaŭziataraŭ čempijanatu śvietu pa futbole 2018 hoda. Navinku ŭpieršyniu prezientavali ŭ Maskvie na mižnarodnym aŭtobusnym sałonie Busworld Russia — 2016, paviedamlaje aficyjny sajt vytvorcy.
Pieršy MAZ-231 paśla aŭtasałona pieradaduć Maskvie, kab prateściravać na miascovych maršrutach.
Asablivaściu aŭtobusa vystupaje ekałahičnaść: inžyniery abstalavali jaho ruchavikom Mercedes kłasa Jeŭra-5 i miechaničnaj karobkaj pieradač ZF, jana bolš efiektyŭnaja, čym «aŭtamatyka» na pryharadnych i mižharodnich maršrutach. U eksterjery aŭtobusa vykarystany śviatłodyjody, abaronienyja ad pyłu i vilhaci.
U sałonie moža być jak 49, tak i 51 kamfartabielnaje siadzieńnie. Kožny aŭtobus abstalavany pandusami dla zručnaści ludziej ź invalidnaściu. Sistema klimat-kantrolu pavinna zabiaśpiečyć kamfortnyja ŭmovy i ŭ surovy maroz, i ŭ anamalnuju śpiakotu.
