Navukoŭcy ŭpieršyniu źniali pakładzienuju ŭ 1555 hodzie plitu biełaha marmuru z kamiennaha pachavalnaha łoža Isusa Chrysta ŭ Trunie Hospada ŭ Jerusalimie, piša Snob sa spasyłkaj na The International Business Times.
Daśledčykaŭ ździviła vialikaja kolkaść kamienia pad plitoj z marmuru. «Jašče treba budzie šmat navukovych daśledavańniaŭ, ale, u kančatkovym vyniku, my zmožam ubačyć i daviedacca, jakoj była aryhinalnaja pavierchnia kamienia, na jakim try dni spačyvała cieła Chrysta», — skazaŭ archieołah Nacyjanalnaha Hieahrafičnaha Tavarystva ZŠA Fredryk Hibiert.
Truna Hospada — typovaja vysiečanaja ŭ skale jaŭrejskaja hrabnica pieryjadu Druhoha Chrama (z 516 hoda da našaj ery pa 70 hod našaj ery). U pačatku IV stahodździa nad mahiłaj uźviali Kuvukliju, nievialikuju kupalnuju kaplicu z žoŭta-ružovaha marmuru, jakaja ŭ svaju čarhu raźmiaščajecca ŭ centry ratondy chrama Uvaskresieńnia Chrystova.
Da našych dzion ad pachavalnaha łoža Chrysta zachavałasia tolki samo łoža, častka ścien piačory i častka ŭvachodu. Hrabnicu mocna paškodzili pałomniki, jakija luboj canoj imknulisia adščapić kavałak ad relikvii i zabrać jaho z saboj. Kab pieraškodzić hetamu, łoža zakryli plitoj z marmuru.
