Pytańnie ŭviadzieńnia ahulnaj vizy Sajuznaj dziaržavy Biełarusi i Rasii praciahvaje prapracoŭvacca, paviedamiŭ žurnalistam dziaržsakratar Sajuza Ryhor Rapota ŭ Minsku 28 kastryčnika paśla pasiadžeńnia hrupy vysokaha ŭzroŭniu Savieta ministraŭ Sajuznaj dziaržavy.

Sustreča pad staršynstvam vice-premjera Biełarusi Vasila Maciušeŭskaha i jaho rasijskaha kalehi Ihara Šuvałava adbyłasia siońnia ŭ Nacyjanalnaj biblijatecy.

«Šmat było razmoŭ pra stvareńnie adzinaj mihracyjnaj i vizavaj prastory. My damovilisia, jak my budziem pa hetych pytańniach pracavać», — adznačyŭ Rapota. Pavodle jaho słoŭ, u bakoŭ jość pryncypovaja zhoda ŭ tym, što isnuje nieabchodnaść uviadzieńnia ahulnaj vizy, i «ideju samu nichto nie adchilaje».

«Ja dumaju, budzie pryncypovaje rašeńnie. Nichto suprać hetaha nie piarečyć, prosta pytańnie, kali heta rabić, na jakich umovach, z ulikam jakich faktaraŭ. Voś heta pavinna być usio zaraz vyrašanaje. Bo praces intehracyi — vielmi praciahły i karpatlivy», — dadaŭ jon.

Rapota anansavaŭ praviadzieńnie najbližejšym časam dvuchbakovych kansultacyj pa hetym pytańni na ŭzroŭni ministerstvaŭ zamiežnych spraŭ, unutranych spraŭ i inšych zacikaŭlenych bakoŭ.

Dziaržsakratar paviedamiŭ, što na siońniašniaj sustrečy šmat uvahi było nadadziena pytańniu niaroŭnaści ŭmoŭ haspadarańnia na terytoryi Sajuznaj dziaržavy. «Jašče nie vyrašanaje da kanca pytańnie davańnia roŭnych umoŭ dla subjektaŭ haspadarańnia, pramysłovych pradpryjemstvaŭ, sielhaspradpryjemstvaŭ na terytoryi dźviuch krain. Hetaje pytańnie ŭ nas doŭhajhrajučaje, vielmi šmat na hetym šlachu ŭžo zroblenaje, u praciah temy siońnia taksama išło abmierkavańnie», — skazaŭ Rapota.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?