Naprykancy Michałok vyjšaŭ na scenu z synam Makaram i skončyŭ kancert słovami: «I chaj usio, što nie skazana, vy pračytajecie ŭ našych vačach».
Hurtu Brutto ŭpieršyniu dazvolili vystupić u Biełarusi. Z 2010 hoda frantmien kalektyva Siarhiej Michałok znachodziŭsia ŭ nieaficyjnym «čornym śpisie» i nie moh śpiavać u Biełarusi. U vyniku ŭ mai 2015 hoda jon atrymaŭ vid na žycharstva va Ukrainie.
Na kancert u Homieli 29 kastryčnika pradali 3000 biletaŭ. Jany kaštavali ad 32 da 75 rubloŭ.
Brutto pakazaŭ svaju novuju prahramu Double Hot, u jakuju ŭvajšli treki z albomaŭ «Rodny kraj» i Underdog, a taksama ŭlubionyja pieśni «Lapisaŭ» za apošnija dziesiać hadoŭ.
Voś poŭnaje videa kancerta:
Siarod apošnich na kancercie prahučaŭ Manifiest: «Eto moj kandidatskij ścienarij, słušaj buržuj, słušaj proletarij…»
Paśla kancertu.
Na kancert pryjechali fanaty BRUTTO z Ukrainy. Cikava, ci sprabavali pravaachoŭniki zabirać u ich dziaržaŭnyja ściahi brackaj susiedniaj krainy?
20:15
Atmaśfiera vielmi ciopłaja i raźniavolenaja. Hledačy adryvajucca, milicyja i cichary niervova pahladajuć.
Štatnyja apieratary śpiecsłužbaŭ viaduć zdymku amal u poŭnaj ciemry.
20:10
Siarhieja Michałka na kancercie padtrymlivajuć jaho žonka aktrysa Śviatłana Zielankoŭskaja i ich syn Makar.
20:00
Kancert pačynajecca.
19:50
Siarod hledačoŭ — palityk Taćciana Karatkievič.
19:30
Hetyja chłopcy nie zachacieli raskryvać, jak im udałosia pranieści ściah. Im taksama zrabili zaŭvahu, ale nie zabrali.
19:20
Hurkoŭ pradstaviŭ žurnalistam samych addanych fanataŭ. Siarod ich dziaŭčyna ŭ bajcy ź simvolikaj hurtu i chłopiec-fanat, jaki nabiŭ sabie tatu ŭ honar BRUTTO.
19:05
Vital Hurkoŭ, baksior i muzykant BRUTTO, patłumačyŭ «Našaj Nivie»: «Ideołahi vystavili umovu, kab kancert nie pieraŭtvaraŭsia ŭ palityčnuju akcyju. Dla hetaha na kancercie nie pavinna być bieł-čyrvona-biełych ściahoŭ».
18:50
Ludziam u čarzie prapanujuć BČB-ściahi ci zdać ŭ kamieru zachoŭvańnia rečaŭ, ci pamianiać na ściah BRUTTO.
18:45
Fota: instagram.com/artyom_shevtsov/
Hledačoŭ z BČB-ściahami nie prapuskajuć. Ludzi pieratelefanoŭvajucca i rajać, jak lepš schavać ściah.
18:30
Abstanoŭka la Ladovaha pałaca napružanaja. Šmat AMAPa. Šmat ludziej ŭ štackim. Dvorničychi padychodzili, pytalisia chto ž pryjechaŭ, kali ich vyklikali ŭsich na pracu ŭ vychodny dzień.
Presu pakul nie puskajuć.
