Alaksandr Łukašenka prybyŭ z rabočym vizitam u Abjadnanyja Arabskija Emiraty. Samalot kiraŭnika dziaržavy zrabiŭ pasadku ŭ mižnarodnym aeraporcie Abu-Dabi, paviedamlaje jaho pres-słužba.
Płanujecca, što kiraŭnik dziaržavy sustreniecca sa spadčynnym pryncam Abu-Dabi, namieśnikam viarchoŭnaha hałoŭnakamandujučaha Uzbrojenymi siłami AAE šejcham Muchamiedam bien Zaidam al-Nachajanam. Taksama zapłanavany pieramovy Alaksandra Łukašenki ź vice-prezidentam, premjer-ministram i ministram abarony AAE, kiraŭnikom emirata Dubaj šejcham Muchamiedam bien Rašydam al-Maktumam.
Na sustrečach buduć abmiarkoŭvacca pierśpiektyŭnyja kirunki raźvićcia dvuchbakovaha supracoŭnictva, a taksama realizacyja sumiesnych prajektaŭ.
Pierad hetym Łukašenka z aficyjnym vizitam naviedaŭ Katar.