U kastryčniku administracyja prezidenta ZŠA Baraka Abamy skarystałasia haračaj linijaj pamiž Maskvoj i Vašynhtonam — tak zvanym čyrvonym telefonam, kab papiaredzić Rasieju ab surjoznych nastupstvach umiašańnia ŭ prezidenckija vybary ŭ ZŠA. Pra heta paviedamlaje NBC News sa spasyłkaj na vysokapastaŭlenaha amierykanskaha čynoŭnika.

Pa słovach surazmoŭcy telekanała, takim čynam ułady ZŠA vyrašyli padkreślić značnaść papiaredžańnia, zroblenaha Abamam raniej, u vieraśni, padčas samitu G20 u Kitai. Adnak na hety raz amierykanski prezident užyŭ słovy «ŭzbrojeny kanflikt», padkreśliła krynica.

«Mižnarodnaje prava, uklučajučy zakony, jakija datyčacca ŭzbrojenych kanfliktaŭ, raspaŭsiudžvajecca i na dziejańni ŭ kibierprastory. My budziem aceńvać dziejańni Rasiei, zychodziačy z dadzienych standartaŭ», — havaryłasia ŭ pasłańni, adpraŭlenym Abamam 31 kastryčnika.

Fakt vykarystańnia Abamam «čyrvonaha telefona» paćvierdziŭ taksama pradstaŭnik Biełaha doma. Adkazvajučy na pytańnie, ci spracavali hetyja miery, jon skazaŭ: «Pahladzicie na vyniki. U dzień vybaraŭ ničoha nie zdaryłasia — značyć, heta spracavała».

Jak adznačaje NBC, «čyrvony telefon» — heta sistema dla ekstranaj suviazi, jakaja vykarystoŭvajecca ŭ momanty kryzisnych situacyj, takich jak terakty 11 vieraśnia abo ŭvarvańnie ZŠA ŭ Irak. Hetaja sistema nikoli nie ŭjaŭlała saboj telefonnaj linii ŭ litaralnym sensie, i ŭ svaim ciapierašnim vyhladzie jana pryznačana dla adpraŭki e-mail. NBC taksama padkreślivaje, što administracyja Abamy raniej ni razu nie vykarystoŭvała hety typ suviazi.

Na minułym tydni The New York Times pisała, što amerykanskija śpiecsłužby na praciahu čatyroch miesiacaŭ prapanoŭvali Abamie roznyja varyjanty adkazu na ataki rasijskich chakieraŭ, adnak usie jany byli adchilenyja. Jak adznačała vydańnie, Abama prajaviŭ svaju zvyčajnuju aściarožnaść, paličyŭšy, što lepš zusim nie vykarystoŭvać kibiersrodki, čym vykarystoŭvać ich nieefiektyŭna.

Raniej telekanał NBC News sa spasyłkaj na vysokapastaŭlenyja krynicy ŭ amierykanskaj vyviedcy paviedamlaŭ, što prezident Rasii Uładzimir Pucin moh asabista kiravać tym, jak dadzienyja, skradzienyja ŭ demakrataŭ, prasočvalisia ŭ presu.

U Kramli nazvali viersiju ab asabistym udziele Pucina ŭ «tajamničaj rasijskaj kampanii» «śmiešnaj łuchtoj», jakaja nie maje pad saboj nijakich padstaŭ.

U piatnicu, 16 śniežnia, pamočnik Pucina Juryj Ušakoŭ zajaviŭ, što padčas sustrečy z Abamam na samicie G20 rasijski lidar daŭ «vyrazny adkaz» na abvinavačvańni va ŭmiašańni Rasii ŭ amierykanskija vybary. «Z našaha boku byŭ dadzieny vielmi vyrazny adkaz, jaki, moža być, nie ŭpisvaŭsia ŭ toje, što nam sprabavaŭ rastłumačyć Abama», — skazaŭ Ušakoŭ, adznačyŭšy, što hutarka viałasia tet-a-tet.

Maskva nieadnarazova adchilała abvinavačvańni va ŭmiašańni ŭ vybary prezidenta ZŠA i svaju mahčymuju datyčnaść da kibieratak na kampjutarnyja sietki demakrataŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?