Situacyja, jakaja skłałasia vakoł vysiečki dreŭ u minskim skviery Kotaŭka, nadumanaja. Takoje mierkavańnie na pres-kanfierencyi vykazaŭ staršynia Minharvykankama Andrej Šorac, paviedamlaje BiełTA.

«Z majho punktu hledžańnia, pytańnie nadumanaje, na siońniašni dzień my majem skvier, park u pryvatnym siektary, jaki źjaŭlajecca bolš elemientam piešachodnych suviaziaŭ, asablivaj ekałahičnaj značnaści nie maje. Kali b tut źjaviŭsia chram, hetaja terytoryja stała b bolš dobraŭparadkavanaj», — adznačyŭ Andrej Šorac.

Pakolki asobnyja hramadskija arhanizacyi i žychary vystupajuć suprać budaŭnictva kaścioła, u tym liku ŭ presie, to pryniata rašeńnie prypynić pracy. «Napeŭna, budavać tam ničoha nie buduć, vyvučajem novyja placoŭki, jakija možna prapanavać, ale ich u Savieckim rajonie nie tak šmat», - skazaŭ staršynia Minharvykankama.

Andrej Šorac prapanavaŭ ekołaham navieści tam paradak. «Chaj tyja, chto vystupaje suprać znosu, prymuć aktyŭny ŭdzieł u dobraŭparadkavańni skviera i pakažuć nie tolki pryhožuju karcinku na kamieru, ale i toje, što mohuć pracavać, zrabić niešta, što ŭpryhožyć toj rajon. Kotaŭku płanujem raźvivać, u tym liku z pryciahnieńniem žycharoŭ», — adznačyŭ jon.

Клас
Панылы сорам
Ха-ха
Ого
Сумна
Абуральна