Ipataŭ byŭ namieśnikam staršyni CVK papiaredniaha składu, Dmuchajła źjaŭlałasia zahadčycaj arhanizacyjna-pravavoha adździeła aparatu kamisii, a paśla śmierci sakratara Centrvybarkama Mikałaja Łazavika stała vykonvać jaho abaviazki.

Pasady Ipatava i Dmuchajły ŭ Centrvybarkamie byli ŭzhodnienyja z Alaksandram Łukašenkam 25 listapada.

Termin paŭnamoctvaŭ papiaredniaha składu Centrvybarkama skončyŭsia 20 śniežnia. U hety ž dzień Łukašenka pryznačyŭ členami kamisii Alenu Dmuchajłu, Vadzima Ipatava, Siarhieja Kalinoŭskaha, Marynu Rachmanavu i Aleha Śližeŭskaha, a staršynioj kamisii — Lidziju Jarmošynu. Usie jany byli ŭ papiarednim składzie CVK.

21 śniežnia Saviet Respubliki daŭ zhodu na pryznačeńnie Jarmošynaj staršynioj Centrvybarkama, a taksama abraŭ jašče šeść členaŭ kamisii. U vyniku tajnaha hałasavańnia členami CVK stali namieśnik načalnika hałoŭnaha jurydyčnaha ŭpraŭleńnia Homielskaha abłvykankama Andrej Huržyj, načalnik jurydyčnaha adździeła Mahiloŭskaha abłvykankama Volha Darašenka, člen CVK z 2009 hoda zahadčyca kafiedry haspadarčaha prava Homielskaha dziaržaŭnaha techničnaha ŭniviersiteta imia Suchoha Śviatłana Kacuba, były deputat Pałaty pradstaŭnikoŭ dyrektar Viciebskaha dziaržaŭnaha technałahičnaha kaledža Alaksandr Łasiakin, načalnik hałoŭnaha jurydyčnaha ŭpraŭleńnia Minharvykankama Ihar Płyšieŭski, pieršy namieśnik načalnika hałoŭnaha jurydyčnaha ŭpraŭleńnia Minskaha abłvykankama Iryna Calikaviec.

Клас
Панылы сорам
Ха-ха
Ого
Сумна
Абуральна