Staršynia Śledčaha kamiteta Biełarusi Ivan Naskievič zaklikaje nie źviazvać zaviadzieńnie kryminalnych spraŭ u dačynieńni da aŭtaraŭ šerahu infarmresursaŭ pa artykule za raspalvańnie nacyjanalnaj varožaści z palitykaj. Pra heta jon zajaviŭ u efiry prahramy «Treba razabracca» na telekanale ANT, piša BiełTA.
«Varta vyrazna razumieć, što palityka - asobna, Śledčy kamitet - asobna. My nie razhladajem hetyja zaviedzienyja kryminalnyja spravy jak niejkija palityčnyja chady. Dla nas heta try z 85,5 tys. kryminalnych spraŭ - nie bolš za toje», - adznačyŭ Ivan Naskievič.
Padstavaj dla raspačynańnia spraŭ staŭ zvarot Ministerstva infarmacyi, padstavaj - zaklučeńnie respublikanskaj ekśpiertnaj kamisii ab tym, što ŭ artykułach traich aŭtaraŭ źmiaščalisia zakliki da raspalvańnia nacyjanalnaj varožaści.