Mahiloŭskim mižrajonnym adździełam Śledčaha kamiteta zaviedziena kryminalnaja sprava ŭ dačynieńni da žychara Škłova 1974 h.n., jakoha padazrajuć u ździajśnieńni kvaternych kradziažoŭ na terytoryi Mahiloŭskaj vobłaści, paviedamiła ŭ svaim fejsbuku pradstaŭnik SK Aksana Salaniuk.
19 śniežnia padazravany pry sprobie kradziažu z admyčkami zalez u žyłoje pamiaškańnie. Adnak litaralna ŭ kalidory byŭ zaśpiety haspadarom kvatery. Haspadar pahnaŭsia za złodziejem i toj, ratujučysia, pieraskočyŭ cieraz płot, ale apynuŭsia na terytoryi Mahiloŭskaha instytuta MUS, dzie i byŭ zatrymany kursantami VNU.
Pa darozie padazravany zhubiŭ źviazku klučoŭ i admyčak.
U ciapierašni čas śledstvam vyśviatlajecca dačynieńnie zatrymanaha da inšych kradziažoŭ z kvater, učynienych u vobłaści z červienia pa śniežań 2016 hoda. Viadoma, što padazravany ŭžo byŭ raniej sudzimy za sieryju kradziažoŭ i vyzvaliŭsia z papraŭčaj ustanovy ŭ červieni hetaha hoda.
