Kampanii, padkantrolnyja biznesmienu Valancinu Bajko, stali akcyjanierami «Turaŭskaha małočnaha kambinata» (TMK). Infarmacyja pra heta raźmieščana na sajcie TMK, paviedamlaje partał TUT.BY.
Valancin Bajko.
U ciapierašni čas akcyjanierami TMK źjaŭlajucca «Premjerlizinh» Ihara Čarniaŭskaha, Biełahraprambank, «Konte Spa» i «ODKriehion». Ich doli nie nazyvajucca.
Raniej akcyjanierami zavoda byli «Premjerlizinh» i daččynaje pradpryjemstva Biełahraprambanka AAT «Turaŭščyna» i AAT «Ahralizinh».
«Konte Spa» Valancina Bajko — adzin z najbujniejšych u SND vytvorcaŭ pančošna-škarpetkavaj pradukcyi i trykatažu. «ODKriehion» źjaŭlajecca ekskluziŭnym dystrybjutaram u Biełarusi kampanii «Konte Spa».
Sumu ździełki baki nie raskryvajuć.
«Z bankam forvardnaja ździełka. Letam akcyjanierami zavoda zastaniemsia my i «Konte», — skazaŭ TUT.BY Ihar Čarniaŭski.
Pavodle acenak TUT.BY, hrupa «Konte Spa» inviestuje ŭ prajekt kala 20 młn dalaraŭ. Valancin Bajko admoviŭsia nazvać sumu ŭkładańniaŭ.