Staličnyja ŭłady pryniali rašeńnie ab pavieličeńni taryfaŭ na raboty (pasłuhi) pa prymusovaj adbuksiroŭcy, a taksama zachoŭvańni adbuksiravanaha transpartnaha srodku na achoŭnaj stajancy — jano zamacavana ŭ rašeńni № 3560 ad 1 śniežnia 2016 hoda, jakoje było apublikavana na Nacyjanalnym pravavym internet-partale. Adznačajecca, što dakumient ustupaje ŭ siłu paśla aficyjnaha apublikavańnia — heta značyć z hetaha dnia.
Tak prymusovaja adbuksiroŭka (evakuacyja) transpartnaha srodku na achoŭnuju stajanku z poŭnaj pahruzkaj na evakuatar vyrasła sa 43 da 60 rubloŭ;
prymusovaja adbuksiroŭka (evakuacyja) transpartnaha srodku na achoŭnuju stajanku z častkovaj pahruzkaj na evakuatar vyrasła z 35 da 50 rubloŭ;
zachoŭvańnie prymusova adbuksiravanaha (evakujavanaha, dastaŭlenaha) transpartnaha srodku na achoŭnaj stajancy za 1-3 sutak zachoŭvańnia vyrasła z 6 da 7 rubloŭ;
Zachoŭvańnie prymusova adbuksiravanaha (evakujavanaha, dastaŭlenaha) transpartnaha srodku na achoŭnaj stajancy za 4-9 sutak zachoŭvańnia sutki vyrasła z 3,5 da 4,0 rubloŭ;
a zachoŭvańnie prymusova adbuksiravanaha (evakujavanaha, dastaŭlenaha) transpartnaha srodku na achoŭnaj stajancy za 10 i nastupnyja sutki zachoŭvańnia — z 2,5 da 3,0 rubloŭ.