Kali vy jašče nie adšukali śviatočny nastroj, samy čas zirnuć Instagram niemcaŭ, da jakich śviata ŭžo pryjšło.

Jalinka

Čarhovuju porcyju padarunkaŭ, jakija čakajuć pad jalinkami, raspakujuć 24 śniežnia ŭviečary paśla śviatočnaj siamiejnaj viačery.

6 śniežnia Śviaty Mikałaj užo prynosiŭ pasłuchmianym dzieciam roznyja prysmaki i inšyja pryjemnyja drobiazi.

«My žadajem vam viasiołych Kaladaŭ sa svaimi blizkimi! Atrymlivajcie asałodu ad kožnaha momantu i budźcie ŭdziačnyja!» — havorycca ŭ dopisie.

Kaladny vianok

U Niamieččynie vielmi adčuvajecca nabližeńnie śviata. Amal u kožnym domie jość kaladny vianok z čatyrma śviečkami. Pieršuju ź ich zapalvajuć za čatyry tydni da Kaladaŭ, u dzień, kali pačynajecca Advent — pieradkaladny čas. Druhuju śviečku zapalvajuć praz tydzień, treciuju — jašče praz tydzień. Kali harać usie čatyry śviečki, značyć, śviata ŭžo na parozie.

Foto opublikovano @susi010192

Kaladny kalandar

Jość i jašče adna tradycyja adliku času da Kaladaŭ. U domie viešajuć «smačny» kalandar na 24 dni śniežnia. Pad kožnaj ličbaj chavajecca cukierka ci šakaładka.

Niekatoryja rychtujuć 24 padarunki i kožny dzień dorać novy pakunačak z numaram.

Foto opublikovano Creeny (@creeny_)

Foto opublikovano @_scrapkat_

Kaladnaje piečyva

Napiaredadni śviata mnohija imknucca zahadzia pryhatavać kaladnaje piečyva. Zvyčajna heta viesieła i zajmalna jak dla darosłych, tak i dla dziaciej.

Asobna treba skazać pra imbirnyja pierniki, jakija ŭ Niamieččynie vielmi lubiać. Jašče adzin atrybut śviata.

Kali kazać pra kaladny stoł, to zvyčajna na im jość zapiečanaja huska. I čym jana bolš tłustaja, tym lepš. Ptuška moža być zapiečanaja z čarnaślivam i jabłykami, palitaja vinom, faršyravanaja abo padadzienaja z klockami. Karaciej, zaležyć ad haspadyni. Na harnir zvyčajna padajecca bulbianaja sałata. Robicca jana vielmi prosta: da advarnoj bulby dadajecca marynavany ahurok albo repčataja cybula. Usio zapraŭlajecca majanezam.

Kali kazać pra napoi, to ŭ hety zimovy čas niemcy addajuć pieravahu hlintviejnu.

Kirmašy

Kaladnyja kirmašy hudzieli jakraz da 24 śniežnia. Kožny šukaŭ upryhažeńni ŭ dom, padarunki blizkim i siabram, prysmaki na śviatočny stoł. Paśla vychadnych jany pastupova buduć zvaročvacca.

A voś Novy hod, u adroźnieńnie ad Kaladaŭ, niemcy śviatkujuć šumna, razam ź siabrami. Źbirajucca na płoščach horada, u restaranach i barach, viesialacca i adpačyvajuć. U hety dzień nie pryniata daryć vialikich padarunkaŭ, imi abmieńvajucca na Kalady. U novy hod u Niamieččynie pryniata «ŭvachodzić» z usim novym, tamu ŭ hety dzień dastajuć novyja rečy. I žadajuć niemcy adzin adnamu nie nastupleńnia Novaha hoda, a dobraha «ŭjezdu», «uvachodžańnia» ŭ novy hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?