U Pałacy prafsajuzaŭ, što na Kastryčnickaj płoščy, adčyniŭsia muziej minijaciur «Kraina mini». U samym centry horada ciapier možna daviedacca pra histaryčnuju spadčynu Biełarusi ŭ maleńkim vyhladzie.
«Kraina mini» — pieršy ŭ Biełarusi muziej architekturnych minijaciur nacyjanalnych słavutaściaŭ, z kožnaj ź jakoj źviazany znakavyja dla krainy padziei. Na siońniašni momant u muziei 15 minijaciur. Uładalniki płanujuć pašyryć kalekcyju da 70-ci.
Usiaho stolki instrumientaŭ vykarystoŭvajecca dla raspracoŭki makieta. U siarednim na raspracoŭku adnoj ekspazicyi sychodzić kala miesiaca.
Muziej, akramia ŭsiaho, jašče i adaptavany pad sučasnyja technałohii. Na šmatlikich minijaciurach ustalavana knopka dla uklučeńnie načnoha i dzionnaha času ŭnutry ekspazicyi. Ale asnoŭnym krokam napierad źjaŭlajecca toje, što ŭładalniki muzieja vypuścili śpiecyjalnuju aplikacyju, pry dapamozie jakoj možna daviedacca karysnuju infarmacyju pra kožnuju z słavutaściaŭ, daviedacca, jak tudy dabracca i dzie možna pieranočyć.
Jakija biełaruskija słavutaści možna pabačyć u novym muziei? «Naša Niva» sfatahrafała niekatoryja ź ich.
Śviata-Uśpienski Žyrovicki manastyr (v. Žyrovičy, Hrodzienskaja vobłaść; XVI st.)
Mikałajeŭskaja carkva (h. Mahiloŭ, XVII st.)
Lidski zamak (h. Lida, XIV st., Hrodzienskaja vobłaść)
Kreŭski zamak (Kreva, Hrodzienskaja vobłaść, XIV st.)
Bresckaja krepaść (h. Brest, XX st.)
Pałac Pusłoŭskich (Kosava, Bresckaja vobłaść, XIX st.)
Biełaviežskaja pušča i siadziba «Viskuli» (Bresckaja vobłaść, XX st.)
Kamianieckaja vieža (h. Kamianiec, Bresckaja vobł., XIII st.)
Pałac Rumiancavych i Paskievičaŭ u Homieli (h. Homiel, kaniec ChVIII st.)
Taksama ŭładalniki zrabili admysłovy biełaruski kutok, dzie možna zrabić sełfi, ci sfotkacca ŭ staroje biełaruskaje lusterka.
I, biezumoŭna, jaki muziej biez suvieniraŭ? U muziei «Kraina mini» možna nabyć pracy ajčynnych ramieśnikaŭ, vopratku i aksesuary ad symbal.by.
Muziej znachodzicca pa adrasie pr-t Niezaležnaści, 25. Čas pracy — štodzionna z 11:00 da 20:00. Dla hramadzian Biełarusi ŭvachod budzie kaštavać 7 rubloŭ, zamiežnikam — 14 rubloŭ, školnikam, studentam i piensijanieram — 5 rubloŭ. Pasłuhi ekskursavoda — 8 rubloŭ, hrupie ad 8 čałaviek — biaspłatna.
