Tuniskija ŭłady ŭ subotu, 24 śniežnia, paviedamili ab zatrymańni troch mužčyn, jakija padazrajucca ŭ saŭdziele ŭ arhanizacyi teraktu ŭ Bierlinie.
Adzin z zatrymanych źjaŭlajecca plamieńnikam mierkavanaha terarysta Anisa Amry, zabitaha ŭ piatnicu, 22 śniežnia, u Miłanie padčas pierastrełki ź italjanskimi palicejskimi.
Zatrymanym ad 18 da 27 hadoŭ. Plamieńnik Anisa Amry pryznaŭ, što byŭ u kantakcie sa svaim svajakom z dapamohaj miesiendžara na smartfonie, i toj patrabavaŭ ad jaho paklaścisia na viernaść hrupoŭcy «Isłamskaja dziaržava».
Mierkavany teraryst, pavodle jaho słoŭ, niekalki razoŭ pieravodziŭ plamieńniku hrošy. Ministerstva ŭnutranych spraŭ Tunisa nazyvaje traich zatrymanych «terarystyčnaj jačejkaj», abiasškodžanaj kala horada Kajruan. Mienavita ŭ Kajruanie, jaki ličacca adnym z centraŭ sałafizmu, pražyvajuć svajaki Anisa Amry.
