U MZS Rasii zajavili, što novyja papraŭki ŭ zakanadaŭstva Polščy pryviaduć da masavaha vyniščeńnia savieckich i rasijskich pomnikaŭ na terytoryi krainy. Ab hetym paviedamlajecca na sajcie MZS Rasii.
U rasijskim zamiežnapalityčnym viedamstvie pieraścierahli polski bok ad pryniaćcia dadzienych papravak u paźbiahańnie dadatkovych uskładnieńniaŭ u dvuchbakovych adnosinach pamiž krainami.
«Nam viadoma ab papraŭkach da polskaha zakanadaŭstva, jaki zabaraniaje «prapahandu kamunizmu ci inšaha tatalitarnaha ładu». Ich pryniaćcie adkryje šlach da masavaha vyniščeńnia savieckich / rasijskich pomnikaŭ u Polščy. Chočam rašuča pieraścierahčy polski bok ad takoha nieabdumanaha kroku, kab paźbiehnuć dadatkovych uskładnieńniaŭ u našych i biez taho niaprostych dvuchbakovych adnosinach», — havorycca ŭ dakumiencie.
