Jak stała viadoma «Biełaruskamu partyzanu», paśla pryznačeńnia na pasadu ministra adukacyi Ihar Karpienka skłaŭ ź siabie paŭnamoctvy pieršaha sakratara CK Kamunistyčnaj partyi Biełarusi.
Vykanaŭcam abaviazkaŭ pieršaha sakratara pryznačany Hieorhij Atamanaŭ — raniej pieršy sakratar pa arhanizacyjna-partyjnaj pracy. Rašeńnie pryniata «ŭ suviazi ź vialikaj zahružanaściu Pieršaha sakratara CK KPB pa asnoŭnaj dziaržaŭnaj pasadzie». U lutym nastupnaha hoda pavinien adbycca plenum CK KPB, jaki abiare novaha kiraŭnika kampartyi.
Biełaruskaje zakanadaŭstva ab dziaržaŭnaj słužbie nie zabaraniaje čynoŭnikam być siabrami palityčnych partyj. U hetym sensie jano utrymlivaje tolki adno abmiežavańnie — zabaraniaje «vykarystoŭvać słužbovaje stanovišča ŭ intaresach palityčnych partyj, relihijnych arhanizacyj, inšych jurydyčnych asob, a taksama hramadzian, kali heta razychodzicca ź intaresami dziaržaŭnaj słužby».
