Padatkovyja orhany nakiravali pryblizna 400 tys. apaviaščeńniaŭ ab vypłacie zboru asobami, jakija nie ŭdzielničajuć u finansavańni dziaržraschodaŭ («padatku na darmajedstva»), paviedamiŭ na bryfinhu ŭ pres-centry BiełTA 13 studzienia načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Michaił Rasolka.

Pavodle jaho słoŭ, zbor ŭžo zapłacili pryblizna 24 tys. čałaviek. Małuju kolkaść płacielščykaŭ Rasolka źviazvaje z tym, što ŭ mnohich ź ich terminy vypłaty prypadali na studzień.

«Biudžetnyja pastupleńni ad padatku na darmajedstva na hety momant skłali 7 młn rubloŭ», — paviedamiŭ jon.

Rasolka nie zmoh udakładnić, jakaja kolkaść hramadzian, što atrymali apaviaščeńni na vypłatu zboru, zdoleli dakazać, što atrymali ich pamyłkova i płacić nie pavinny, bo padatkovyja orhany nie viaduć takoj statystyki. Ličbu, jakaja raniej fihuravała ŭ ŚMI, — 15 tys. čałaviek — čynoŭnik nazvaŭ niekarektnaj, bo heta tyja ludzi, jakija jašče da atrymańnia apaviaščeńniaŭ zdoleli dakazać svoj udzieł u finansavańni dziaržraschodaŭ, i apaviaščeńni im nie nakiroŭvalisia.

Клас
Панылы сорам
Ха-ха
Ого
Сумна
Абуральна