Palicyja Małajzii paćvierdziła paviedamleńni ab zabojstvie Kim Čon Nama, brata lidara KNDR Kim Čen Yna.

U palicyi raspaviali, što nieviadomaja žančyna padyšła da Kim Čon Nama ŭ zonie vyletu mižnarodnaha aeraporta Kuała-Łumpura i nakinuła jamu na hałavu chustku, prapitanuju niejkaj vadkaściu.

Brat paŭnočnakarejskaha lidara adčuŭ paleńnie ŭ vačach. Jamu pasprabavali akazać dapamohu ŭ aeraporcie, paśla čaho adpravili ŭ balnicu. Pa darozie Kim Čon Nam pamior.

Zabojstva adbyłosia kala 8 hadzin ranicy 14 lutaha pa miascovym časie. Kim Čon Nam źbiraŭsia sieści na rejs u Makaa.

Raniej paŭdniovakarejski telekanał Chosun paviedamiŭ, što Kim Čon Nam byŭ atručany z dapamohaj ihołak z atrutaj. Paviedamlajecca, što na jaho napali dźvie žančyny, jany zmahli źbiehčy ź miesca złačynstva.

Krynica Bi-bi-si, znajomaja ź siamjoj niabožčyka, paćvierdziŭ, što pryčynaj śmierci Kim Čon Nama stała atručvańnie.

Kim Čon Yn sa svaim baćkam Kim Čen Iram u 1981 h.

Kim Čon Yn sa svaim baćkam Kim Čen Iram u 1981 h.

Starejšy syn Kim Čen Ira ličyŭsia adnym z pretendentaŭ na miesca lidara Paŭnočnaj Karei. Adnak u Kim Čon Nama ŭźnikli kanflikty z baćkam paśla niaŭdałaj sproby ŭ 2001 hodzie trapić u Japoniju pa padroblenym pašparcie.

U vyniku pierajemnikam staŭ inšy syn - Kim Čen Yn, jaki ŭznačaliŭ Paŭnočnuju Kareju paśla śmierci baćki ŭ śniežni 2011 hoda.

U apošnija hady Kim Čon Nam nie źjaŭlaŭsia ŭ Paŭnočnaj Karei. Paviedamlajecca, što vialikuju častku času jon pravodziŭ u kitajskim Makaa.

Kim Čon Nam byŭ viadomy jak prychilnik reformaŭ u krainie. U adnym ź intervju japonskaj haziecie jon zajaviŭ, što vystupaje suprać pieradačy ŭłady ŭ Paŭnočnaj Karei ŭ spadčynu.

Клас
Панылы сорам
Ха-ха
Ого
Сумна
Абуральна