Fota GETTY IMAGES

Fota GETTY IMAGES

Daśledčyki praviali apytańnie siarod siami tysiač čałaviek va ŭzroście ad 50 da 90 hadoŭ, pieravažna žanatyja pary. Vyśvietliłasia, što niahledziačy na toje, što 80-ci i 90-hadovyja zajmajucca seksam radziej, jany bolš zadavolenyja svaim intymnym žyćciom.

Jak vynikaje z dakładu, siarod ludziej, starejšych za 80 hod, značna mienš tych, chto skardzicca, što na ich ciśnie «abaviazak zajmacca seksam» — takich amal u piać razoŭ mienš, čym siarod 50-hadovych.

Siarod 80-hadovych par vielmi niamnohija skardziacca na toje, što nie adčuvajuć seksualnaha pryciahnieńnia da partniora. Cikava, što na heta skardziacca mnohija ludzi va ŭzroście ad 70 da 79 hadoŭ, a ŭ 80, jak vynikaje z dakładu, kolkaść niezadavolenych seksapilnaściu partniora žančyn i mužčyn rezka padaje.

Treciaja katehoryja, u jakoj 80-hadovyja apiaredzili tych, chto maładziej, — heta emacyjnaja blizkaść da partniora. Jak adznačajuć daśledčyki, da hetaha ŭzrostu ludzi lepš viedajuć adzin adnaho, što spryjaje blizkaj suviazi pamiž imi i adbivajecca na seksualnym žyćci.

Taksama ekśpierty vyśvietlili, što žančyny, starejšyja za 80 hadoŭ, lahčej i chutčej uzbudžajucca, čym 60-ci i 70-hadovyja.

Miž tym, adznačajuć aŭtary dakładu, seksualnaje zdaroŭje važna dla ŭsich uzrostaŭ. U dakładzie adlustravana vidavočnaja karelacyja pamiž zadavolenaściu žyćciom i zadavolenaściu seksam — dla ŭzrostavaj katehoryi 50-90 jana taksama dziejničaje.

Mify i zababony

«Na žal, u 2017 hodzie pa-raniejšamu treba raźviejvać mify, źviazanyja z adnosinami na poźnich stadyjach žyćcia», — kaža kiraŭnik analityčnaha centra, baranesa Sali Hrynhras.

«My viedajem, što mnohija žančyny i mužčyny zastajucca seksualna aktyŭnymi na praciahu ŭsiaho žyćcia i što intymnyja adnosiny na poźnich etapach adbivajucca na ahulnym uzroŭni zdaroŭja i dabrabytu», — kaža jana. 

Aŭtary dakładu prapanujuć u pieršuju čarhu pryvučyć hramadskaść da dumki, što paśla 50 i navat paśla 70 hadoŭ čałaviek u pryncypie moža zajmacca seksam.

Pavodle daśledavańnia, kolkaść mužčyn, jakija majuć prablemy z erekcyjaj, u katehoryi 80+ značna pieravyšaje ich kolkaść u inšych uzrostavych katehoryjach. Aŭtary dakładu tłumačać heta ahulnymi prablemami sa zdaroŭjem.

Na ich dumku, erekcyjnaj dysfunkcyi možna paźbiehnuć, kali vieści zdarovy ład žyćcia, adnak pakul bolšaść mužčyn miarkuje, što stały ŭzrost aŭtamatyčna ciahnie za saboj padobnyja prablemy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?