Pres-sakratar Biełaha doma Šon Spajsier zajaviŭ, što prezident ZŠA Donald Tramp raźličvaje na viartańnie Kryma ŭ skład Ukrainy, pieradaje Reuters.
«Prezident Tramp vielmi jasna daŭ zrazumieć, što jon čakaje ad urada Rasii deeskałacyi hvałtu va Ukrainie i viartańnia Krymu», — skazaŭ Spajsier. Jon taksama dadaŭ, što Tramp «čakaje, što paładzić z Rasijaj, i žadaje hetaha».
Akramia taho, pres-sakratar Biełaha doma raspavioŭ, što davier Trampa da daradcy Majkła Flina «byŭ padarvany».
«Prablemaj, ščyra kažučy, byŭ padryŭ davieru», — padkreśliŭ Spajsier. Pavodle jaho słoŭ, Tramp nie kazaŭ Flinu abmiarkoŭvać amierykanskija sankcyi suprać Rasii z rasijskim dypłamatam.
