Zatrymanuju 12 sakavika za hadzinu da pačatku babrujskaha mitynhu Halinu Śmirnovu vypuścili ŭviečary, vydaŭšy pozvu na 15-ha.

Kiraŭnicu supołki prafsajuzu REP zatrymali ŭčora na vychadzie z domu ab 11-j hadzinie, zabrali telefon, jaki potym viarnuli paškodžanym, i zavieźli ŭ pastarunak na ŭskrajku horadu. Dopyt pačali tolki kala 13-j hadziny, vioŭ jaho padpałkoŭnik Siarhiej Rudźko, jaki asabista zajmajecca aktyvistami demakratyčnych siłaŭ. U jakaści abaroncy intaresaŭ Haliny vystupaŭ jejny muž.

Na ŭsie pytańni, aproč svajho imia, Halina Śmirnova adkazvać admoviłasia, zajaŭlała pra svajo niezakonnaje ŭtrymańnie.

— Pytali, ci padavała ja zajaŭku na mierapryjemstva, choć hety fakt daŭno i aficyjna ŭsim viadomy. Ci viedała, što płošča Pieramohi nia vyznačanaja miescam dla padobnych schodaŭ. Dy niaŭciamnaje «Navošta vy prymušali moładź?»

I tak trymali biaź ježy i vady da 19 hadzin, kali vypuścili biez abvinavačvańniaŭ dy vypisali pozvu źjavicca dla praciahu apytańnia 15 sakavika a 17-j.

— Mnie kazali mnohija, što dziela biaśpieki lepš schavacca, pajści z horadu, — kaža spadarynia Halina. — Nu nie zmahła ja syści, brydka mnie. Čamu my musim kudyści sychodzić ci naohuł źjaždžać sa svajoj krainy?

A ranicaj 13 sakavika na šlachu na pracu zatrymali ŭdzielnika ŭčorašniaha mitynhu Jurasia Hryniavieckaha. Siońnia ž čakajucca sudy nad zatrymanymi ŭ noč na 11 sakavika Maksimam Bujnickim, Alaksiejem Ramanavym, Volhaj Aŭdziejčyk dy Maksimam Łubinskim.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?