U niadzielu, 12 sakavika, u efiry dziaržaŭnaha kanała «Biełaruś-1» pakazali prahramu «Hałoŭny efir», dzie lejtmatyvam była tema «darmajedaŭ». 

Abmierkavać pratesty i našumieły «Dekret №3» u studyju zaprasili psieŭdaakademika Siarhieja Saładoŭnikava i «palitołaha» Bialajeva, jaki niadaŭna adznačyŭsia frazaj, što biełaruskaja mova dla biełarusaŭ — nie rodnaja. 

Ad pačatku abmierkavańnia što viadučy, što hości adnadušna prasoŭvali ideju «pravilnaści» dekreta i «niapravilnaści» refleksij.

«Vinavatyja na miescach», «niapravilna aśviatlali ŭ internecie», «padaŭlajučaja bolšaść moža zarabić u Biełarusi, kali zachoča», «rabočyja zaciahnuli z pošukam raboty» — voś čym padmacoŭvali svaje słovy ŭdzielniki dyskusii. 

«Palitołah» Bialajeŭ navat vykazaŭ ździŭleńnie doŭhimi rozdumami milicyi, pakul «razynki, pra jakich skazaŭ prezident, vielmi nachabna siabie pavodzili», namiakajučy na šerah zatrymańniaŭ apazicyjnych lidaraŭ, aktyvistaŭ i žurnalistaŭ. 

Paśla ŭ efiry kanała nakinulisia na niezaležnyja ŚMI: «Biełsat», «Naviny.baj», «Jeŭraradyjo», «Svaboda», «TUT.baj» — usich na BT nazvali «adyjoznymi». 

Spynilisia i na publikacyi «Našaj Nivy» — havorka pra apieratyŭny kamientar baćki «anarchista Ramanava», jakoha my znajšli adrazu ž paśla vychadu «rasśledavańnia». 

Zahałovak Baćka «anarchista Ramanava» pra aŭtaraŭ rasśledavańnia BT: «Ja skruču im bašku» padaŭsia BTšnikam «vartym čyrvonaj kartki». 

«Ceły dzień heta krasavałasia na hałoŭnaj staroncy. A ŭnizie staronki [artykuła], maleńkim šryftam, niezaŭvažna napisana, što tracił u syna ŭsio ž byŭ», — tak skazaŭ pra naš materyjał zakadravy hołas.

Praŭda, navat na skrynšocie BT było vidać, što ŭvieś artykuł napisany adnolkavym kiehlem, a praz paru hadzin na našym sajcie źjaviŭsia razhornuty kamientar baćki.

Čytajcie taksama: Baćka «anarchista Ramanava» raskazaŭ akaličnaści ćmianaj spravy

Hetym supracoŭniki «Biełaruś-1» nie abmiežavalisia i praciahnuli, što niezaležnyja ŚMI, uziaŭšysia za ruki, razharnuli ŭ krainie cełuju kampaniju pa abaronie… bajevikoŭ UNA-UNSO!

Zianonu Paźniaku na BT prypisali zhodu z vysnovami «rasśledavańnia» i zaklik «nie chadzić na mitynhi». Paźniak u adkaz abvinavaciŭ BT u chłuśni. 

U prahramie ŭspomnili Siryju, Ukrainu i Jehipiet, pakazali kadry vajny i śmierciaŭ, jašče raz prakrucili zapis pieramovaŭ Statkieviča, dzie jon vielmi dziŭna pačynaje skazy pa-rusku, a skančaje pa-biełarusku, i naadvarot. 

«Fiškaj» prahramy staŭ novy zapis prasłuchoŭvańnia palitykaŭ — hetym razam Daškieviča i Sieviarynca. U razmovie Daškievič nazvaŭ anarchistaŭ u Kurapatach «karysnymi admarozkami», a Sieviaryniec pahadziŭsia, što «ich treba padciahvać». 

U «Hałoŭnym efiry» taksama paabiacali praciah «rasśledavańnia». 

Za niekalki hadzin paśla źjaŭleńnia «Hałoŭnaha efiru» ŭ internecie videa paśpieła sabrać niekalki tysiač «dyzłajkaŭ», paśla čaho BTšnikam daviałosia znoŭ, jak i ŭ vypadku z «rasśledavańniam», adklučać kamientaryi i adlustravańnie statystyki acenak. 

Nahadajem, što niadaŭna karystalniki «UKantakcie» vielmi śpiecyfična adreahavali na pakaz «Zvanka siabru».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?