Alaksandr Łukašenka abiacaje dalejšuju padtrymku raźvićciu ŭ krainie IT-śfiery. Ab hetym kiraŭnik dziaržavy zajaviŭ siońnia, naviedvajučy ŭ Minsku kampanii, jakija pracujuć u śfiery vysokich technałohij.

Alaksandr Łukašenka zapeŭniŭ, što z boku dziaržavy i nadalej budzie akazvacca nieabchodnaje sadziejničańnie, u tym liku ŭ častcy pryniaćcia nieabchodnych narmatyŭnych pravavych aktaŭ, jakija vyznačajuć umovy pracy arhanizacyj u dadzienym siektary ekanomiki. Razam z tym jon padkreśliŭ, što adnym z asnoŭnych patrabavańniaŭ źjaŭlajecca prazrystaść i zakonnaść pracesaŭ z punktu hledžańnia viadzieńnia biźniesu, pytańniaŭ padatkaabkładańnia.

«Žyvučy ŭ Biełarusi, treba budavać budučuju pryhožuju krainu, — skazaŭ kiraŭnik dziaržavy. - Tak, budučynia — dobra. Ale pavinna być sumlennaja i prystojnaja sučasnaść. I vy atrymajecie ŭsio, pra što my damovimsia, pavodle zakanadaŭstva».

«Ja hatovy vas padtrymlivać tam, dzie treba, niešta spraścić. Ale treba, kab hety praces byŭ prazrystym», - padkreśliŭ biełaruski lidar.

Kiraŭnik u Minsku, u pryvatnaści, naviedaŭ ofisy TAA «Banuba Dieviełopmient» i TAA «I-Eks-Pi Kepitał». Inviestary Viktar Prakapienia i Michaił Huceryjeŭ paviedamili kiraŭniku dziaržavy ab rabocie dadzienych kampanij i ich pierśpiektyŭnych raspracoŭkach. Heta, u pryvatnaści, prajekty ŭ halinie dapoŭnienaj realnaści i štučnaha intelektu.


Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?