U Lidskim rajonie mužčyna niečakana skoknuŭ z abryvu ŭ raku i patanuŭ. Pra heta BiełTA paviedamili ŭ Hrodzienskaj abłasnoj arhanizacyi Biełaruskaha respublikanskaha tavarystva vyratavańnia na vodach.

Dźvie siamji hulali ŭzdoŭž raki Dzitva ŭ Lidskim rajonie. U niejki momant 36-hadovy mužčyna źniaŭ kurtku i skočyŭ z abryvu ŭ vadu. Jon praktyčna adrazu pajšoŭ pad vadu.

«Jaho cieła było znojdziena tolki na nastupny dzień pryblizna za 100 m ad miesca zdareńnia», — adznačyli ŭ Asvodzie. Mužčyna znachodziŭsia ŭ stanie ałkaholnaha apjanieńnia. Matyvy ŭčynku vyśviatlajucca.

Jak adznačyli ratavalniki, heta druhi vypadak hibieli na vodach u rehijonie z pačatku hoda. Raniej pa anałahičnym scenary zahinuŭ piensijanier u Hrodnie. Mužčyna skoknuŭ z mosta ŭ Nioman i patanuŭ. Toje, što zdaryłasia pryznali suicydam.

Клас
0
Панылы сорам
0
Ха-ха
0
Ого
0
Сумна
0
Абуральна
0