Połackim mižrajonnym adździełam Śledčaha kamiteta zaviedziena kryminalnaja sprava pa fakcie suicydu niepaŭnaletniaj dziaŭčyny, jakaja pražyvała ŭ Połackim rajonie, paviedamlaje sk.gov.by.

Śledstvam ustanoŭlena, što 12 sakavika kala 18 hadzin, znachodziačysia ŭ Połacku ŭ kvatery znajomaha, 17-hadovaja dziaŭčyna skoknuła z akna 6 paviercha dzieviacipaviarchovaha doma. Ad atrymanych cialesnych paškodžańniaŭ jana pamierła ŭ balnicy.

Pa dadzienym fakcie śledčyja raspačali kryminalnuju spravu pa č.2 art.145 Kryminalnaha kodeksa Respubliki Biełaruś (daviadzieńnie da samahubstva zaviedama niepaŭnaletniaha).

Śledčyja praviali ahlad miesca zdareńnia, pryznačyli sudova-miedycynskuju ekśpiertyzu, ustaloŭvajuć i dapytvajuć śviedak, vyśviatlajuć matyvy taho, što adbyłosia.

Pavodle papiaredniaj infarmacyi hibiel niepaŭnaletniaj nie źviazanaja z upłyvam sacyjalnych sietak.

Adna z pryčyn suicydu, jakuju razhladaje śledstva - asabistyja ŭzajemaadnosiny.

Rasśledavańnie kryminalnaj spravy praciahvajecca.

Клас
0
Панылы сорам
0
Ха-ха
0
Ого
0
Сумна
0
Абуральна
0