Kaktejli z pravakacyjnymi nazvami robiać u raźmieščanym u centry Minska bary «Patryjot». Jany pryśviečanyja hieraini rasijskaj pieradačy «Pusť hovoriat» Dyjanie Šuryhinaj. U mieniu try kaktejli i dva sety šotaŭ. «Na doncy» kaštuje 3 rubli, a «Vosiem hadoŭ strahača», «Šuryhina» i abodva sety, «Katedž-2016» i «Chaču na TV», pa 5 rubloŭ.

— Ja i zdahadacca nie moh, što jany vykličuć taki rezanans, — pryznaŭsia kp.by kiraŭnik bara Ihar Marčanka. — Ideja z kaktejlami maja. Ale akcyja była časovaja, zaraz my prybrali ich ź mieniu.

— A jak ich ŭspryniali naviedvalniki, jany dobra pradavalisia?

- Byŭ ažyjataž. Zakazvali ŭsio, čaściej za ŭsio «ŠuryhinE» i «Chaču na TB».

— Heta byli zvyčajnyja kaktejli, nazvanyja pa-novamu?

- Nie, zusim novyja. Skład — harełka, siropy, soki, inšy mocny ałkahol.

Nahadajem, u vypusku z nazvaj «U razhar viečarynki» 16-hadovaja žycharka rasijskaha Uljanaŭska raspaviała pra toje, jak jaje zhvałtavali dvoje chłopcaŭ. Sieŭ adzin: 21-hadovaha Siarhieja Siamionava prysudzili da vaśmi hadoŭ kałonii strohaha režymu (a paśla abskardžańnia - da troch). Usiaho ab hetaj historyi vyjšła piać pieradač na rasijskim TB, i tolki ŭ pieršaha vypusku zaraz bolš za 15 miljonaŭ prahladaŭ na YouTube. Paśla ŭdziełu ŭ šou Dyjana Šuryhina stała samaj abmiarkoŭvajemaj dziaŭčynaj u krainach SND.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?