Narodny schod z patrabavańniem ekanamičnych reformaŭ projdzie 19 sakavika (niadziela) ŭ Słonimie, pra heta skazana ŭ zajavie, raspaŭsiudžanaj siońnia ad Słonimskaj kaalicyi demakratyčnych siłaŭ, u jakoj prymajuć udzieł i miascovyja aktyvisty ruchu «Za Svabodu», paviedamlaje pres-słužba ruchu.
Aŭtary zajavy źviartajuć uvahu na toje, što za apošnija hady ŭ horadzie zakrylisia šerah pradpryjemstvaŭ aŭtaremzavod, «Tekstylnik», «Puch-piaro», «Sielhaztechnika» i inš., inšyja pradpryjemstvy pajšli na zaŭvažnaje skaračeńnie supracoŭnikaŭ: «biznes dehraduje, nie raźvivajecca, a adkryć u naš čas IP — heta zahadzia vyrakčy sabie na bankructva».
«Za 20 hod u Słonimie nie pabudavali nivodnaha novaha pradpryjemstva. Zatoje pabudavali prakuraturu, milicyju, sud, biržu pracy, kramy», — nahadali aŭtary zajavy.
Pa ich słovach, «raboty niama, zarobki małyja, a ceny stała rastuć, pry hetym ułady ŭvodziać usio novyja i novyja padatki».
Pradstaŭniki słonimskaj demakratyčnaj kaalicyi prapanujuć sabracca i abmierkavać, jak i za jakija srodki žyć u Słonimie dalej.
«My spadziajemsia, što na schod pryjdzie šmat słonimcaŭ. Bo ekanamičnaja situacyja uvieś čas paharšajecca, z pracaj prablema, zarobki nievialikija, košty ŭvieś čas rastuć, ludzi nie viedajuć jak dalej vyžyvać. A tut jašče hety absurdny dekret uviali pra «darmajedaŭ»», — skazaŭ sajtu Pyx.by pradstaŭnik arhanizataraŭ.
Pa jahonych słovach, apošnim časam usio bolš słonimcaŭ pytajecca, kali budzie akcyja ŭ Słonimie. «Usim užo nadakučyła słuchać chłuśniu ad uładaŭ, ludzi chočuć vykazać svajo staŭleńnie da taho, što adbyvajecca ŭ krainie. Tamu ŭ niadzielu, 19 sakavika, kožny žadajučy atrymaje takuju mahčymaść», — zaklučyŭ pradstaŭnik kaalicyi demsiłaŭ Słonima.
