«Ahavorvajecca ideja stvareńnia rady, u jakuju mohuć uvajści i dziaržaŭnyja słužačyja, adkaznyja za pryniaćcie tych ci inšych rašeńniaŭ (asabliva rehulatarnaj narmatyŭnaj bazy), i inviestary, jakija pracujuć u śfiery vysokich technałohij, i navukoŭcy», — adznačyŭ pamočnik prezidenta Usievaład Jančeŭski.

Pavodle jaho słoŭ, na adpaviednaj placoŭcy mahli b apieratyŭna abmiarkoŭvacca novyja idei. «I, hałoŭnaje (abmiarkoŭvać na placoŭcy savieta), što pavinna zrabić dziaržava, kab vyniki byli jašče lepš. Kab apieratyŭna zdymać lubyja ŭźnikajuć barjery», - skazaŭ pamočnik prezidenta.

Usievaład Jančeŭski adznačyŭ, što adna ź istotnych prablem dla śfiery vysokich technałohij zaklučajecca ŭ tym, što z-za imklivaha raźvićcia hetaha napramku ŭ Biełarusi i śviecie ŭ cełym za adpaviednymi pracesami nie zaŭsiody paśpiavaje zakanadaŭčaja baza. «Z hetaj prablemaj sutykajucca vielmi mnohija krainy śvietu. Treba apieratyŭna vielmi chutka adaptavać normy pad dasiahnieńni navukova-techničnaha prahresu. I tut vielmi pažadana, kab my jak minimum išli ŭ nahu. A kali dzie-to budziem apiaredžvać, heta naohuł vydatna», - zajaviŭ pamočnik prezidenta.

Inviestar Michaił Huceryjeŭ u svaju čarhu padkreśliŭ, što rada pa raźvićci IT-technałohij budzie kankretna zajmacca pryciahnieńniem inviestycyj i inviestaraŭ u Biełaruś. «Heta stvareńnie kampanij tut, navučańnie kadraŭ, vytvorčaść praduktaŭ na terytoryi Biełarusi. Takaja siońnia pastaŭlena zadača prezidentam, i na praciahu dvuch-troch miesiacaŭ my budziem zajmacca padrychtoŭkaj hetych dakumientaŭ», — dadaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?